हैदराबाद ( तेलंगणा ) : हैदराबाद येथे 2 आणि 3 जुलै रोजी होणाऱ्या भारतीय जनता पक्षाच्या (भाजप) दोन दिवसीय राष्ट्रीय कार्यकारिणी बैठकीत पंतप्रधान नरेंद्र मोदी सहभागी होणार आहेत. यादरम्यान त्यांना तेलंगणातील विविध पदार्थ खाण्यास देण्यात येणार आहेत. या बैठकीला उपस्थित असलेल्या व्हीआयपींच्या जेवणाची व्यवस्था करण्यासाठी राज्य भाजपच्या नेत्यांनी करीमनगरच्या जी यदम्मा यांची निवड केली आहे. त्यांना येथील हैदराबाद इंटरनॅशनल कन्व्हेन्शन सेंटर (HICC) येथे होणाऱ्या बैठकीत नेत्यांच्या भोजनाची व्यवस्था करण्याची जबाबदारी देण्यात आली आहे.
यदम्मा म्हणाल्या की, तिने आयुष्यात कधीही विचार केला नव्हता की ती देशाच्या पंतप्रधानांसाठी जेवण बनवेल. यदम्मा म्हणाल्या, माझा विश्वास बसत नाही. मला खूप आनंद होत आहे की मोदी सर मी तयार केलेल्या जेवणाची चव चाखणार आहेत. मोदी सरांना आमची तेलंगणातील पाककृती आवडेल याची मला खात्री आहे. यदम्माने सांगितले की, तिला ३ जुलैला जेवण बनवायला सांगितले आहे, त्यासाठी तिला १ जुलैला हॉटेलमध्ये यावे लागेल.
यदम्माचा मुलगा जी व्यंकटेश्वराने सांगितले की, त्यांच्या आईला भाजपचे तेलंगणा युनिटचे प्रमुख बंदी संजय कुमार यांनी सांगितले होते की मोदींना तेलंगणातील काही स्वादिष्ट पदार्थांचा स्वाद इथे मुक्कामी असताना घ्यायचा आहे. यदम्मा तेलंगणातील गंगावेल्ली-मामिदकाया पप्पू, मुद्दा पप्पू, सर्व पिंडी, सक्किनाल, बेंडकाया फ्राय, बुरेलू आणि बेलुम परमानम (मिठाई) यासारखे सुमारे 25-30 पदार्थ पंतप्रधान मोदींसाठी तयार करणार आहेत.
हेही वाचा : PM Modi Hyderabad Visit : पंतप्रधान मोदी हैदराबादच्या दौऱ्यावर.. शहरात पोलिसांसह 'स्नायपर्स'ची तैनाती
