हैदराबाद (तेलंगणा) : आज रामनवमी निमीत्त धार्मिक सौहार्दाचे उदाहरण म्हणून राम आणि सीता यांचा विवाह दर्ग्यात लावण्यात आला. हे ऐकून तुम्हाला नक्कीच आश्चर्य वाटले असेल, पण हे पूर्णपणे खरे आहे. भद्राद्री कोठागुडेम इलांडू येथे नेत्रोत्सव म्हणून आयोजित केलेल्या सीतारामच्या विवाह सोहळ्यात हिंदू आणि मुस्लिम दोघेही सहभागी झाले होते. धार्मिक सलोख्याचे प्रतिक म्हणून या वर्षीही दर्ग्यात सीताराम कल्याणमचे आयोजन करण्यात आले होते. यावेळी दोन्ही समाजाचे नागरीक मोठ्या संख्येने उपस्थित होते.
दर्ग्यात पूजेचे कार्यक्रम : गेल्या 40 वर्षांपासून भद्राद्री कोथागुडेम जिल्हा इलांडू येथील सत्यनारायणपुरमजवळ हजरत नागुल मीरा उर्सू उत्सव साजरा केला जात आहे. याच अनुषंगाने श्री रामनवमी उत्सवही त्याच दिमाखात साजरा केला जात आहे. कोणत्याही जाती-धर्माचा भेद न करता येथे पूजेचे कार्यक्रम आयोजित केले जातात. सर्व मानव समान असल्याचे सांगत दर्ग्यात पूजेचे कार्यक्रम आयोजित केले जात आहेत. हिंदू आणि मुस्लिम दोघेही हजरत नागुल मीरा साजरे करतात आणि दरवर्षी श्री राम नवमी साजरी करतात.
सीता-रामाचा कल्याणम उत्सव : दरवर्षी श्री रामनवमी उत्सवाच्या दिवशी दर्ग्यात भगवान राम आणि सीतेचे कल्याणम् केले जाते. आणखी एक वैशिष्टय़ म्हणजे या दर्ग्याचे पुजारी (मलिक) देखील हिंदू आहेत. दरवर्षी परंपरेनुसार ब्राह्मण पुरोहितांकडून सीता-रामाचा कल्याणम उत्सव मंगल वाद्यांमध्ये साजरा केला जातो. येथे शुक्रवारी सीता-रामाचा राज्याभिषेक सोहळा आयोजित करण्याची तयारी सुरू आहे.
सीताराम कल्याणममध्ये मोठ्या संख्येने भाविक सहभागी : दुसर्‍या घटनेत, खम्मम जिल्ह्यातील तल्लाडा येथे मुस्लिम बांधवांनी श्री रामनवमी उत्सवात भाग घेतला आणि एकता दर्शविली. मंडल परिषदेचे सहकारी सदस्य इसूब दाम्पत्याने रेशमी वस्त्रे व तालंबारालू सादर केले. श्री व्यंकटेश्वर स्वामी मंदिरात आयोजित सीताराम कल्याणममध्ये मोठ्या संख्येने भाविक सहभागी झाले होते.
