नवी दिल्ली - युक्रेनमधून परतणाऱ्या विद्यार्थ्यांना भारतात इंटर्नशिप पूर्ण ( Medical Internship in india ) करण्यासाठी परदेशी वैद्यकीय पदवी परीक्षा उत्तीर्ण असणे आवश्यक आहे. देशाची वैद्यकीय नियामक संस्था नॅशनल मेडिकल कमिशनने (NMC) एक परिपत्रक जारी करून याबाबत माहिती दिली आहे. रशिया-युक्रेन युद्धपरिस्थितीमध्ये विद्यार्थ्यांना सामोरे जावे लागत असलेल्या तणावाला पाहता हा निर्णय घेण्यात आल्याचे नॅशनल मेडिकल कमिशनने म्हटलं आहे.
-
Amid the ongoing evacuation of Indian medical students from #Ukraine, National Medical Commission (NMC) allows Foreign Medical Graduates with incomplete internships due to compelling situations like the Covid19 & war...to apply to complete internships in India if they clear FMGE pic.twitter.com/tqxeCNPdYy
— ANI (@ANI) March 5, 2022 " class="align-text-top noRightClick twitterSection" data="
">Amid the ongoing evacuation of Indian medical students from #Ukraine, National Medical Commission (NMC) allows Foreign Medical Graduates with incomplete internships due to compelling situations like the Covid19 & war...to apply to complete internships in India if they clear FMGE pic.twitter.com/tqxeCNPdYy
— ANI (@ANI) March 5, 2022Amid the ongoing evacuation of Indian medical students from #Ukraine, National Medical Commission (NMC) allows Foreign Medical Graduates with incomplete internships due to compelling situations like the Covid19 & war...to apply to complete internships in India if they clear FMGE pic.twitter.com/tqxeCNPdYy
— ANI (@ANI) March 5, 2022
रशिया-युक्रेन युद्धाच्या परिस्थितीत आपले शिक्षण सोडून अनेक विद्यार्थ्यांना भारतात परतावे लागले आहे. या विद्यार्थ्यांना फायदा व्हावा यासाठी NMC ने हे पाऊल उचलले आहे. युक्रेन आणि रशियातील युद्धस्थितीमुळे यासारख्या देशांमध्ये वैद्यकीय शिक्षणासाठी जाणाऱ्या विद्यार्थ्यांचा शैक्षणिक अनुभव, गुणवत्ता आणि भारतात परतल्यावर काम करण्यासाठी पात्र ठरण्याची क्षमता असे अनेक मुद्दे सध्या चर्चेत आहेत. युक्रेनमधील युद्धामुळे वैद्यकीय शिक्षण अर्ध्यावर सोडून भारतात परतावे लागलेल्या हजारो भारतीय विद्यार्थ्यांचे भवितव्य अंधकारमय झाले आहे.
रशियाकडून युक्रेनच्या दोन शहरांमध्ये तात्पुरता युद्धविराम -
गेल्या काही दिवसांपासून रशिया आणि युक्रेनमध्ये युद्ध ( Russia Ukraine War ) सुरू आहे. दिवसेंदिवस रशिया आधिक आक्रमक होत असल्याचे दिसून येत होते. रशियाने युक्रेनवर होत असलेल्या हल्ल्यात अनेक सामान्या निष्पाप नागरिकांचा मृत्यू झाला आहे. यावर संपूर्ण जगभरातून रशियावर टीका होत आहे. यातच रशियाने आज तात्पुरती युद्धबंदीची घोषणा ( Russia declares ceasefire in Ukraine ) केली. सामान्य नागरिकांना सुरक्षित स्थळी जाण्यासाठी कॉरडॉर देण्यासाठी हा निर्णय घेण्यात आला आहे.
रशियाने युद्धविराम केल्याने याचा मोठा फायदा भारताला होणार आहे. कारण, यामुळे युक्रेनमध्ये अडकलेले विद्यार्थी सुरक्षीतरित्या सीमेवर पोहचू शकतात. रशिया आणि युक्रेन यांच्यातील युद्धात एका भारतीय विद्यार्थ्याला आपले प्राण गमावावे लागले आहेत. तर एक विद्यार्थ्याला गोळी लागली असून त्यांच्यावर रुग्णालयात उपचार सुरू आहेत. रशियाने काहीकाळासाठी युद्ध थांबवल्याने अनेंकाना स्थलातंर करण्यासाठी वेळ मिळेल.
रशियाने युक्रेनविरोधात युद्ध पुकारल्यापासून अनेक युक्रेनचे नागरिक देश सोडून गेले आहेत. तर काहींनी आपल्या कुटुंबाला देशाबाहेर ठेवले असून रशियाविरोधात मैदानात उतरल्या आहेत. तसेच युद्ध थांबवण्यासाठी राष्ट्राध्यक्ष पुतीन यांनी युक्रेनसमोर ठेवल्या तीन अटी ठेवल्याची माहिती आहे.
रशियाने मांडल्या तीन अटी -
युक्रेन आणि रशिया यांच्यात चर्चेतून कोणताही ठोस निर्णय झालेला नाही. आपल्या मागण्या मान्य झाल्या तरच शक्य असल्याचं पुतीन यांनी म्हटलं आहे. रशियाने तीन अटी मांडल्या आहेत. युक्रेननं तटस्थ आणि अण्वस्त्र नसलेला देश होणं, त्यांच्याद्वारे क्रिमियाला रशियाचा भाग मानणं आणि पूर्व युक्रेनच्या फुटीरतावादी प्रदेशांचे सार्वभौमत्व समावेश आहे. रशिया आणि युक्रेनमध्ये चर्चेची तिसरी फेरी होणार आहे.
हेही वाचा - Nagpur Raid : हवाला व्यापाऱ्यांवर पोलिसांच्या धाडी, 4 कोटी 2 लाखांची रोकड जप्त
