चंदीगड (पंजाब) - भारतीय काँग्रेस पक्षाकडून नवजोत सिंह सिद्धू यांची पंजाब काँग्रेस प्रदेशाध्यक्षपदी नियुक्ती करण्यात आली आहे. त्यांच्याबरोबर पक्षातील काही इतर नेत्यांची देखील पंजाब प्रदेश कॉंग्रेस कमिटीच्या कार्यकारी अध्यक्ष पदावर नियुक्ती करण्यात आली आहे. उद्या चंदीगड येथील काँग्रेस भवनात हे नेते पदभार स्विकारतील. या कार्यक्रमाला मुख्यमंत्री अमरिंदर सिंह आणि राज्याचे कॅबिनेट मंत्री सामील होणार आहेत.
मुख्यमंत्री अमरिंदर सिंह यांच्याशी झालेल्या बैठकीनंतर पंजाब प्रदेश कॉंग्रेस कमिटीचे कार्यकारी अध्यक्ष कुलजीत नागरा यांनी ही माहिती दिली. त्याचबरोबर, उद्या सदर मंत्र्यांच्या पदभार ग्रहण समारोहापूर्वी मुख्यमंत्री अमरिंदर सिंह यांनी बैठक बोलावली आहे.
