बेळगाव (कर्नाटक) : केंद्रीय महामार्ग मंत्री नितीन गडकरी यांना काल बेळगावातून धमकीचा फोन आला होता. बेळगावच्या हिंडलगा मध्यवर्ती कारागृहातील एका कैद्याने गडकरींच्या मोबाईलवर फोन करून त्यांना जीवाची धमकी देत पैशांची मागणी केली, असे पोलिसांनी सांगितले. गडकरींनी ही बाब नागपूर पोलिसांच्या निदर्शनास आणून दिली असून, नागपूर पोलिस काल आरोपींच्या शोधासाठी हिंडलगा कारागृहात आले आहेत. रविवारी दुसऱ्या दिवशीही शोध सुरू असल्याचे पोलिस सूत्रांनी सांगितले.
संशयित आरोपीची चौकशी सुरु : याप्रकरणी जयेश नावाच्या संशयित आरोपीची तुरुंग प्रशासनाच्या परवानगीने चौकशी करण्यात येत आहे. 2008 मध्ये आरोपी जयेश हत्येच्या आरोपाखाली तुरुंगात होता. तपासादरम्यान त्याने कारागृहातून पळून जाण्याचाही प्रयत्न केल्याचे समोर आले. नागपूर पोलीस सध्या तपास करत आहेत, अशी माहिती आयुक्त अमितेश कुमार यांनी दिली.
खून आणि दरोड्याच्या गुन्ह्यात तुरुंगात : जयेश पुजारी 2008 मध्ये उप्पीनगडी पोलिस ठाण्यात खून आणि दरोड्याच्या गुन्ह्यात तुरुंगात होता. 12-08-2016 रोजी मंगळुरु 5व्या सत्र न्यायालयाने जयेश पुजारीला फाशीची शिक्षा सुनावली. 2017 मध्ये फाशीची शिक्षा जन्मठेपेत बदलण्यात आली. तो मूळचा दक्षिण कन्नड जिल्ह्यातील कडबा तालुक्यातील शिराडी येथील रहिवासी आहे. 2018 मध्ये, त्याने उत्तर विभागाचे तत्कालीन आयजीपी आलोक कुमार यांना जीवघेणा कॉल केला आणि 1-5-2019 रोजी म्हैसूर तुरुंगात हलवण्यात आले. नंतर 14-09-2021 रोजी त्याला पुन्हा बेलगावी हिंडलगा कारागृहात हलवण्यात आले, असे पोलिसांनी सांगितले.
कारागृहात तीन तास शोधमोहीम : कोल्हापूर, सांगली आणि बेळगाव शहर पोलिसांनी नागपूर पोलिसांच्या सोबत आहेत. शनिवारी सायंकाळीही पोलिसांनी तीन तास कारागृहात शोधमोहीम राबवली. आरोपींचा शोध घेण्यासाठी दुसऱ्या दिवशीही शोधमोहीम सुरूच असल्याचे पोलिसांनी सांगितले. धमकीचे फोन आल्यानंतर शनिवारी नितीन गडकरी यांचे महाराष्ट्रातील निवासस्थान आणि कार्यालयात सुरक्षा व्यवस्था वाढवण्यात आली होती.
घर आणि कार्यालयात सुरक्षा बळकट : खामला भागातील गडकरींच्या जनसंपर्क कार्यालयाच्या लँडलाइन क्रमांकावर सकाळी 11.25 ते 12.30 या वेळेत तीन धमकीचे कॉल आले होते. त्यानंतर त्यांच्या घर आणि कार्यालयात सुरक्षा बळकट करण्यात आली होती, अशी माहिती नागपूर पोलीस अधिकाऱ्याने शनिवारी दिली. यापूर्वी उत्तर विभागाचे आयजीपी आलोक कुमार यांना हिंडलगा मध्यवर्ती कारागृहातील कैद्यांकडून धमकीचा फोन आला होता. कारागृहात अनेक आकस्मिक छापे टाकण्यात आले असले तरी कारागृहात मोबाईलचा वापर थांबलेला नाही. काही दिवसांपूर्वी गृहराज्यमंत्री अरगा ज्ञानेंद्र यांनी कारागृहाला भेट दिली होती.
एका तासात तीन कॉल: नितीन गडकरी यांच्या जनसंपर्क कार्यालयात सकाळी साडेअकरा वाजताच्या पहिला फोन आला. त्यानंतर साडे बारा वाजताच्या दरम्यान आणखी दोन फोन आले.पलीकडून बोलणा-या व्यक्तीने दाऊद ईब्राहिमचा हस्तक असल्याचे बोलत असल्याचं सांगितलं. यावेळी आरोपीने नितीन गडकरी यांना जीवे मारण्याची धमकी दिली. यासंदर्भात भारतीय जनता पक्षातील नेत्यांना माहिती मिळताचं त्यांनी कार्यालयाकडे धाव घेतली. स्थानिक पोलिसांसह दहशतवाद विरोधी पथक आणि नक्षलवाद विरोधी अभियानाचे पथकासह अन्य यंत्रणा सतर्क झाले आहेत.
काही सेकंदातच त्याने फोन कट केला : नितीन गडकरी यांचे खामल्यात जनसंपर्क कार्यालय आहे. या कार्यालयात फोन आला. त्या फोनवरून बोलणाऱ्या व्यक्तीने दाऊद इब्राहिमचा हस्तक असल्याचे सांगून नितीन गडकरी यांना जीवे मारण्याची धमकी दिली आणि काही सेकंदातच त्याने फोन कट केला. फोन घेणाऱ्याने लगचे भारतीय जनता पक्षातील वरिष्ठांना ही माहिती दिली. त्यानंतर पोलिसांनाही माहिती देण्यात आली. अर्ध्या तासातच गडकरी यांच्या संपर्क कार्यालयाच्या सुरक्षेत वाढ केली आहे. तसेच, दहशतवाद विरोधी पथक आणि नक्षलवाद विरोधी अभियानाचे पथकासह अन्य यंत्रणा सतर्क झाली आहे.
हेही वाचा : Nitin Gadkari : नितीन गडकरींना जीवे मारण्याची धमकी, कर्नाटकातून आले फोन, घरासह कार्यालयाच्या सुरक्षेत वाढ
