नवी दिल्ली: राष्ट्रपतीपदाची निवडणूक ( DROUPADI MURMU WINS) एनडीएच्या उमेदवार द्रौपदी मुर्मू यांनी जिंकली आहे. या निवडणुकीसाठी एकूण 4754 मते पडली, त्यापैकी द्रौपदी मुर्मू यांना 2824 प्रथम पसंतीची मते मिळाली, तर यशवंत सिन्हा यांना 1,877 मते मिळाली. 53 मते अवैध ठरविण्यात आली. दुसरीकडे, लोकसभा आणि राज्यसभेबद्दल बोलायचे झाल्यास, राष्ट्रपतीपदाच्या निवडणुकीत द्रौपदी मुर्मू यांना लोकसभा आणि राज्यसभेतून 540 मते मिळाली, तर यशवंत सिन्हा यांना 208 मते मिळाली. अशा स्थितीत द्रौपदी मुर्मूच्या बाजूने किती खासदारांनी क्रॉस व्होट केले याचा अंदाज लावला जाऊ शकतो. द्रौपदी मुर्मू राष्ट्रपती ( President Droupadi Murmu ) पदाच्या निवडणुकीत प्रचडं बहुमताने विजयी झाल्याने मोदी-शहा यांची देशाच्या राजकारणातील ताकद पुन्हा दिसून आली आहे.
लोकसभेत मुर्मू यांच्या बाजूने संख्याबळ असे होते - भाजप-३०३, बसपा-१०, बीजेडी-१२, जेडीयू-१६, एआयएडीएमके-१, जेएमएम-१, डीपी-३, शिवसेना-१९, वायएसआर काँग्रेस-२२ , एलजेपी-6, शिरोमणी अकाली दल (बादल)-2, अपना दल-2. म्हणजेच एकूण ही संख्या ३९७ आहे. आता राज्यसभेत ही ताकद किती आहे ते पाहू. राज्यसभेत भाजपच्या 91 सदस्यांव्यतिरिक्त , 5 सदस्य जेडीयु, 9 बीजेडी, 4 एआयडीएमक आणि एक खासदार बसपचा आहे. याशिवाय द्रौपदी मुर्मू यांना राज्यसभेतील एकूण 117 खासदारांचा पाठिंबा होता, म्हणजे जेएमएमचे 2, टीडीपीचे 1, आरपीआयचे एक आणि शिवसेनेचे तीन खासदार. आता लोकसभेतील 397 आणि राज्यसभेतील 117 सदस्यांची मते एकत्र केली तर ही संख्या 514 होईल.
आणखी 26 मते मिळाली! द्रौपदी मुर्मू यांना दोन्ही सभागृहात एकूण 540 मते मिळाली आहेत. म्हणजे त्यांना एकूण २६ मते जास्त मिळाली. म्हणजेच ही 26 मते क्रॉस व्होटिंगमधून आली आहेत. मात्र, अध्यक्षपदासाठीचे मतदान हे गुप्त असून त्यासाठी कोणताही व्हीप जारी होत नसल्याने क्रॉस व्होटिंग कोणी केले हे सांगणे कठीण आहे. त्यामुळे क्रॉस व्होटिंग करून द्रौपदी मुर्मूला कोणी मदत केली हे सांगता येणार नाही.
मोदी-शहा जोडीसमोर विरोधकांची तारांबळ : संकेत अगदी स्पष्ट. मोदी आणि अमित शहा या जोडीसमोर विरोधकांची ताकद पुन्हा एकदा तारांबळ उडाली. यापूर्वी महाराष्ट्रात शिवसेना कशी फुटली आणि दोन दिवसांपूर्वी शिवसेनेच्या 12 खासदारांना वेगळ्या गटाचा दर्जा कसा मिळाला, हे सर्वांनी पाहिले. राष्ट्रपती निवडणुकीतील सुरुवातीचे गणित मुर्मूच्या बाजूने असले तरी मुर्मू यांना मिळालेल्या २६ अतिरिक्त मतांमुळे त्यांची आघाडी किती कमकुवत आहे आणि २०२४ च्या लढतीसाठी त्यांना कुठे जुळवाजुळव करावी लागणार आहे याची कल्पना विरोधकांना द्यावी लागेल.
हेही वाचा - 22 July Rashi Bhavishya : 'या' राशीवाल्यांना आज एखादा प्रवास संभवतो; जाणून घ्या, आजचे राशीभविष्य
