खांडवा ( मध्यप्रदेश ) : एआयएमआयएमचे प्रमुख असदुद्दीन ओवेसी मध्य प्रदेशच्या स्थानिक निवडणुकांमध्ये आपला उमेदवार उभे केल्यानंतर प्रचारासाठी खांडवा येथे (Asaduddin Owaisi in Khandwa) पोहोचले. जिथे त्यांनी भाजप सरकार आणि पंतप्रधान मोदींवर टीका केली. ओवेसी म्हणाले की, 'भारतातील तरुण बेरोजगार असतील, महागाई गगनाला भिडत असेल, डिझेल आणि पेट्रोल महागले असेल, तर त्याला मोदी नाही तर औरंगजेब नक्कीच जबाबदार आहे. मुलांना नोकऱ्या नसतील तर, सम्राट अकबर जबाबदार असतो. पेट्रोल 115 रुपये झाले आहे, त्यामुळे त्याला ताजमहालचा बिल्डर जबाबदार आहे. त्यांनी ताजमहाल बांधला नसता तर आज पेट्रोल ४० रुपयांना उपलब्ध झाले असते. ताजमहाल आणि लाल किल्ला बांधायचा नव्हता, तो पैसा मोदीजींसाठी वाचवायचा होता, असेही ओवैसी (Asaduddin Owaisi targets BJP and PM Modi) म्हणाले.
ओवेसींनी लावली संपूर्ण ताकद : मध्य प्रदेशच्या नगरपालिका निवडणुकीत एआयएमआयएम पक्ष आपला जोर दाखवत आहे. आतापर्यंत काँग्रेस आणि भाजपमध्ये थेट लढत होत होती. मात्र यावेळी अपक्षांसह आम आदमी पार्टी आणि एआयएमआयएमही रिंगणात आहेत. जे सरकारचे समीकरण बिघडू शकते. खांडवामध्ये, एआयएमआयएम पक्षाचे प्रमुख असदुद्दीन ओवेसी यांनी शनिवारी महापौरपदाचे उमेदवार आणि नगरसेवकांच्या समर्थनार्थ ईदगाह मैदानावर जाहीर सभा घेतली. यावेळी त्यांनी राज्य आणि केंद्र सरकारवर सडकून टीका केली.
एका डोळ्याने मुघल दुसर्‍या डोळ्यात पाकिस्तान दिसतो : असदुद्दीन ओवेसी सभेला संबोधित करताना म्हणाले की, 'भारतातील प्रत्येक गोष्टीला मुस्लिम जबाबदार आहेत. भारताच्या इतिहासात फक्त मुघल राजवट होती का? त्याआधी सम्राट अशोक आणि चंद्रगुप्त मौर्य यांची राजवट नव्हती? पण भाजपला एका डोळ्यात मुघल आणि दुसऱ्या डोळ्यात पाकिस्तान दिसतो. आमचा मुघल आणि पाकिस्तानशी काहीही संबंध नाही.
मुस्लिमांनी पाकिस्तानचा संदेश धुडकावून लावत भारताला मातृभूमी बनवले: ओवेसी पुढे म्हणाले की, 'जिनांशी आमचा काहीही संबंध नाही'. १५ ऑगस्टला आपण स्वातंत्र्याची ७५ वर्षे साजरी करत आहोत. भारतात 200 दशलक्ष मुस्लिम आहेत, ते साक्ष देत आहेत की त्यांच्या आजोबा आणि पणजोबांनी पाकिस्तानचा संदेश नाकारला आणि भारताला त्यांची मातृभूमी बनवली. भारत आमचा वतन-ए-अजीज आहे, आम्ही भारत सोडणार नाही. तुम्ही लाख नारे लावा आणि निघून जा. पण तसे होणार नाही.
हेही वाचा : Owaisi to visit Ranchi: ओवेसी यांचा रांची दौरा! विमानतळावर पाकिस्तान जिंदाबादच्या घोषणा दिल्याने खळबळ
