बेतिया (बिहार) : बिहारच्या पश्चिम चंपारण जिल्ह्यातील मनातांड गावात अल्पवयीन मुलीवर बलात्कार झाल्याची घटना समोर आली आहे. (Minor girl raped in West Champaran bihar). पीडितेचे वय 14 वर्षे आहे. हे प्रकरण दडपण्याच्या पंचायतीच्या भूमिकेवर आता प्रश्न उपस्थित होत आहेत. ग्रामपंचायतीने पीडित कुटुंबाला दोन लाख रुपयांची ऑफर देऊन हे प्रकरण बंद ठेवण्याचे फरमान जारी केल्याचे सांगण्यात येत आहे. (Panchayat offer two lakhs to rape victim). ही घटना उघडकीस आल्यानंतर पोलिसांनी या प्रकरणाचा तपास सुरू केला असून आरोपीला पकडण्यात आले आहे.
उसाच्या शेतात घडली घटना : नातेवाईकांच्या म्हणण्यानुसार, अल्पवयीन मुलीला उसाच्या शेतात नेऊन तिच्यावर बलात्कार केला गेला. याप्रकरणी पीडित मुलीच्या आईने पोलिसांना अर्ज देऊन सांगितले की, 9 डिसेंबर रोजी रात्री दहा वाजता माझी चौदा वर्षांची मुलगी घरात बांधलेल्या शौचालयात शौचास गेली होती. शौचातून परत आल्यावर आधीपासूनच लपून बसलेल्या 22 वर्षीय शैलेंद्र कुमार मुलीचे तोंड दाबून तिला उसाच्या शेतात नेले आणि रात्रभर तिच्यावर बलात्कार केला.
"सकाळी आठ वाजता माझी मुलगी घरी परतली. तिने मला घडलेला सर्व प्रकार सांगितला. पण गावातील काही पंचांनी मला हे प्रकरण शांत ठेवण्यास सांगितले. पंचायतीने मला तोंड बंद ठेवण्यासाठी दोन लाख रुपये देऊ केले. मात्र मी पोलिसांकडे जाऊन न्याय त्यांना मिळवून देण्याची विनंती करत आहे." - पीडितेची आई
पोलिस तपासात गुंतले : बेतियाचे एसपी उपेंद्र वर्मा यांनी सांगितले की, बलात्कार प्रकरणात आरोपीला अटक करण्यात आली आहे. या प्रकरणी पुरुषोत्तमपूर पोलिस ठाण्याचे प्रमुख संजय कुमार यांनी सांगितले की, पीडित मुलीला वैद्यकीय तपासणीसाठी बेतिया येथे पाठवण्याची तयारी सुरू आहे.
