श्रीनगर : Terrorist Dr Asif Maqbool: केंद्रीय गृह मंत्रालयाने Union Home Ministry शनिवारी सौदी अरेबियात राहणारा डॉ. आसिफ मकबूल याला बेकायदेशीर क्रियाकलाप (प्रतिबंध कायदा)-1967 अंतर्गत दहशतवादी म्हणून घोषित militant under UAPA केले. गृह मंत्रालयाने म्हटले आहे की, डॉ. आसिफ मकबूल, जो बांदे पायीन, वाघोरा, बारामुल्ला येथील रहिवासी आहे. तो सध्या दमन, अश शर्किया, धाहरान, सौदी अरेबिया येथे असून तो हिज्बुल-मुजाहिद्दीनशी संबंधित आहे. Asif Maqbool declared terrorist
डॉ. आसिफ मकबूल याच्यावर सोशल मीडिया प्लॅटफॉर्मचा वापर करून काश्मीर खोऱ्यातील तरुणांना दहशतवादी कारवायांसाठी भडकवण्यात किंवा चिथावणी देण्यात सहभाग आहे, असे गृह मंत्रालयाने जारी केलेल्या अधिसूचनेत म्हटले आहे. डॉ. आसिफ मकबूल दार हा सोशल मीडियावरील आघाडीच्या कट्टरपंथी आवाजांपैकी एक आहे. आणि देशविरोधी कारवायांमध्ये तो गुंतलेला आहे. काश्मिरी तरुणांना भारत सरकार आणि सुरक्षा दलांविरुद्ध शस्त्रे उचलण्यास प्रभावित करण्याचा त्याच्यावर आरोप आहे.
गृह मंत्रालयाने पुढे सांगितले की, डॉ. आसिफ मकबूल दार जम्मू-काश्मीर आणि नवी दिल्लीसह भारतातील प्रमुख शहरांमध्ये दहशतवादी संघटनेच्या कार्यकर्त्यांनी हिंसक दहशतवादी कारवाया करण्यासाठी रचलेल्या कटाशी संबंधित राष्ट्रीय तपास संस्थेने तपास केलेल्या प्रकरणात आरोपी आहेत. सीमा ओलांडून हँडलरच्या मदतीने तो कट रचतो. डॉ. आसिफ मकबूल हा UAPA अंतर्गत दहशतवादी म्हणून घोषित झालेला 52 वा व्यक्ती आहे.
दरम्यान, काश्मीर वंशाचा व्यक्ती एजाज अहमद अहंगर याला बुधवारी केंद्र सरकारने दहशतवादी म्हणून घोषित Ejaz Ahmed Ahangar declared terrorist केले. या भयंकर दहशतवाद्याचे अल-कायदाशी संबंध आहेत आणि तो इतर जागतिक दहशतवादी गटांच्या संपर्कात आहे. तो भारतात इस्लामिक स्टेट (IS) चे पुनरुज्जीवन करण्यात व्यस्त आहे. एजाज अहमद अहंगर उर्फ अबू उस्मान हा काश्मिरी सध्या अफगाणिस्तानमध्ये स्थायिक झाला आहे आणि तो इस्लामिक स्टेट जम्मू काश्मीर (ISJK) च्या मुख्य भर्ती करणार्‍यांपैकी एक आहे.
याची माहिती मिळाल्यानंतर केंद्रीय गृह मंत्रालयाने अधिसूचनेद्वारे घोषित केले की, बेकायदेशीर क्रियाकलाप (प्रतिबंध) कायदा, 1967 अंतर्गत त्याला दहशतवादी घोषित करण्यात आले आहे. 1974 मध्ये श्रीनगरमध्ये जन्मलेला, अहंगर हा जम्मू-काश्मीरमध्ये दोन दशकांहून अधिक काळ वाँटेड दहशतवादी आहे आणि त्याने विविध दहशतवादी संघटनांमध्ये समन्वय चॅनल तयार करून जम्मू-काश्मीरमध्ये दहशतवादाशी संबंधित रणनीती आखण्यास सुरुवात केली आहे.
