जम्मू : जम्मू आणि काश्मीरच्या किश्तवार जिल्ह्यात एका मदरसा शिक्षकाला पाकिस्तानस्थित दहशतवाद्यांना सुरक्षा आस्थापनांशी संबंधित माहिती दिल्याप्रकरणी अटक ( Maulvi Arrested In Kishtwar ) करण्यात आली आहे ( Madrasa teachers arrested in Kishtwar ). अधिकाऱ्यांनी शनिवारी ही माहिती दिली. त्यांनी सांगितले की, अब्दुल वाहिद Qari Abdul Waheed (२५), जो मौलवी म्हणून काम करत होता, त्याच्यावर बेकायदेशीर पाकिस्तानला माहिती दिल्याप्रकणी गुन्हा दाखल करण्यात आला आहे.
वाहिदवर विविध सुरक्षा एजन्सींच्या नजर : 11 आरआर, सीआरपीएफ 52 बीएन तसेच किश्तवाड पोलिसांनी संयुक्त कारवाई करत मैलवीला बेड्या ठोकल्या आहेत. अधिकाऱ्यांनी दिलेल्या माहितीनुसार, दूल भागात राहणारा वाहिद हा त्याची पत्नीसह, सात महिन्यांच्या मुलासोबत दादपेठ गावातील एका मदरशात राहत होता. लष्करी गुप्तचरांनी सुरुवातीला सीमेपलीकडून माहिती देत असलेल्या संशयिताच्या उपस्थितीबद्दल माहिती गोळा केली होती. वाहिदवर विविध सुरक्षा एजन्सींच्या नजर होती.
या दहशतवादी संघटनेसाठी करत होता काम : अधिका-यांनी सांगितले की पोलीस, लष्करी गुप्तचर तसेच राज्य तपास यंत्रणा (SIA) यांच्या संयुक्त चौकशीदरम्यान, वाहिद डिसेंबर 2020 पासून काश्मीर जनबाज फोर्स (KJF) या दहशतवादी गटासाठी काम करत आहे. वाहिदचा "दहशतवादाकडे कल" होता तसेच तो सोशल मीडियावर केजेएफ कमांडर तैयब फारुकी उर्फ उमर खतबच्या संपर्कात आल्याची माहिती गुप्तचर संस्थांना मिळाली होती.
दहशतवादात सामील होण्यासाठी पैसे : सक्रिय दहशतवादी असण्याची ऑफर देण्याव्यतिरिक्त तो ऑनलाइन ग्रुपचा सक्रिय सदस्य बनल्याचे त्याने पोलिसांना सांगितले आहे. अधिकाऱ्यांनी सांगितले की तो काही अज्ञात लोकांच्या नियमित संपर्कात होता. पाकिस्तानी गुप्तचऱ्यांनी स्थानिक तरुणांना दहशतवादात सामील होण्यासाठी पैसे, नवीन फोन ऑफर केले असल्याची माहिती पोलिसांना मिळाली आहे.
हेही वाचा - Five JDU MLAs join BJP: जेडीयूच्या पाच आमदारांचा भाजपमध्ये प्रवेश, पाहा काय म्हणाले नितीश कुमार
