ऐका, सावरकरांविषयी काय म्हणाले होते अटल बिहारी वाजपेयी!

सावरकरांविषयी संरक्षण मंत्री राजनाथ सिंह यांनी केलेल्या विधानावरून रणकंदन माजले असताना दिवंगत पंतप्रधान अटल बिहारी वाजपेयींनी सावरकरांविषयी एका भाषणात मांडलेले विचारांचा व्हिडिओही व्हायरल होत आहे.

नवी दिल्ली : सावरकरांविषयी संरक्षण मंत्री राजनाथ सिंह यांनी केलेल्या विधानावरून रणकंदन माजले असताना दिवंगत पंतप्रधान अटल बिहारी वाजपेयींनी सावरकरांविषयी एका भाषणात मांडलेले विचारांचा व्हिडिओही व्हायरल होत आहे.

• " class="align-text-top noRightClick twitterSection" data="">

सावरकर म्हणजे तेज, त्याग, तप - अटल बिहारी वाजपेयी

एका भाषणादरम्यान बोलताना दिवंगत अटल बिहारी वाजपेयींनी सावरकरांना तप, त्याग, तेज, तर्क, तीर आणि तलवारीची उपमा दिली होती. सावरकर म्हणजे तप, सावरकर म्हणजे त्याग, सावरकर म्हणजे तेज, सावरकर म्हणजे तर्क, सावरकर म्हणजे तीर आणि सावरकर म्हणजे तलवार असे अटलजी या व्हिडिओत म्हणताना दिसतात.

गांधींच्या सूचनेवरूनच दया याचिका - राजनाथ सिंह

अंदमान तुरुंगात कैद असताना स्वातंत्र्य वीर सावरकर यांनी ब्रिटीशांकडे महात्मा गांधींच्या सूचनेवरूनच दया याचिका दाखल केली होती, असे संरक्षण मंत्री राजनाथ सिंह यांनी म्हटलं आहे. वीर सावरकर: द मॅन हू कॅन प्रिव्हेंट पार्टिशन,या उदय माहूरकर आणि चिरायू पंडित यांनी लिहिलेल्या पुस्तकाच्या प्रकाशन सोहळ्यावेळी राजनाथ सिंह बोलत होते. आंबेडकर इंटरनॅशनल सेंटरमध्ये रूपा पब्लिकेशन्सने हे पुस्तक प्रकाशित केले आहे. दरम्यान, यावरून एमआयएम खासदार असदुद्दीन ओवैसी आणि छत्तीसगडचे मुख्यमंत्री भूपेश बघेल यांनी भाजवर टीका केली आहे.

विकृत इतिहास मांडला जात आहे - ओवैसी

हे लोक विकृत इतिहास मांडत असल्याची टीका एमआयएमचे प्रमुख असदुद्दीन ओवैसी यांनी केली आहे. हे असेच चालू राहिले तर ते महात्मा गांधींऐवजी सावरकर हे राष्ट्रपिता आहेत असे सांगतील. सावरकर यांच्यावर महात्मा गांधींच्या हत्येचा आरोप होता आणि जस्टिस जीवन लाल कपूर यांच्या चौकशीत त्यांना दोषी ठरवण्यात आले होते असे एआयएमआयएमचे प्रमुख असदुद्दीन ओवैसी यांनी म्हटले आहे.

सावरकरांमुळे देशाचे विभाजन - बघेल

छत्तीसगडचे मुख्यमंत्री भूपेश बघेल यांनी यावरून भाजपवर निशाणा साधला आहे. सीएम बघेल यांनी सावरकरांना भारताच्या विभाजनासाठी जबाबदार धरले आहे. त्यांनी म्हटले आहे की, देशाचे विभाजन करण्याचा पहिला प्रस्ताव सावरकरांनी दिला होता. जे नंतर मुस्लिम लीगने स्वीकारले. ते म्हणाले की, सावरकरांच्या प्रस्तावातून दोन राष्ट्रांचा सिद्धांत जन्माला आला. म्हणूनच देशाच्या फाळणीला सावरकर जबाबदार आहेत.

हेही वाचा - महात्मा गांधींच्या सूचनेवरूनच सावरकरांनी दया याचिका दाखल केली होती - राजनाथ सिंह