अयोध्या (उत्तर प्रदेश) : धार्मिक नगरी अयोध्येत भगवान रामलल्लाच्या भव्य मंदिराच्या उभारणीचे काम वेगाने सुरू आहे. सध्या येथे मोठ्या प्रमाणात कारागीर कामाला लागले आहेत. मंदिराच्या प्रत्येक भागाची उत्तम प्रकारे कलाकुसर केली जात आहे. आता श्री रामजन्मभूमी तीर्थ क्षेत्र ट्रस्टने मंदिर बांधकामाची काही नवीन छायाचित्रे प्रसिद्ध केली आहेत. या चित्रांमध्ये मंदिराच्या विविध भागांची निर्मिती होत असल्याचे दिसत आहे. ही छायाचित्रे 11 मे रोजी प्रसिद्ध करण्यात आली आहेत. विशेष म्हणजे, त्याच दिवशी राज्याच्या अनेक जिल्ह्यांमध्ये नागरी स्वराज्य संस्थांच्या निवडणुकांसाठी मतदान होत होते.
तळमजल्याचे 80 टक्क्यांहून अधिक काम पूर्ण : चित्रांमध्ये राम मंदिराच्या तळमजल्याच्या बांधकामाचे 80 टक्क्यांहून अधिक काम पूर्ण झाल्याचे दिसत आहे. तांत्रिक तज्ज्ञ आता काम पूर्ण करण्यात गुंतले आहेत. रामलल्लाच्या गर्भगृहाच्या छतापासून ते भिंतीपर्यंतचे कामही पूर्ण करण्यात आले आहे. पुढील वर्षी जानेवारीत या मंदिराचे उद्घाटन होण्याची शक्यता आहे. ट्रस्टने प्रसिद्ध केलेल्या या चित्रांमध्ये मंदिर बांधकामाची प्रगती दिसून आली आहे.
जानेवारी 2024 मध्ये मंदिराचे उद्घाटन करण्याची योजना : मंदिराभोवतालच्या भिंतीसह मंदिरात प्रवेश करण्यासाठी वापरण्यात येणाऱ्या पायऱ्यांचे काम जवळपास पूर्ण झाले आहे. यासाठी अनेक तज्ज्ञांची टीम बांधकामात गुंतलेली आहे. सरकारचे जानेवारी 2024 मध्ये भगवान रामलल्लाच्या मंदिराचे उद्घाटन करण्याची योजना आहे. ही बाब लक्षात घेऊन मंदिराच्या तळमजल्याचे काम जलदगतीने सुरू आहे. ट्रस्टकडून वेळोवेळी राम मंदिराच्या उभारणीची ताजी छायाचित्रे प्रसिद्ध करण्यात येत आहेत.
हे ही वाचा :
- Medicine Diploma Course : ममता बॅनर्जींकडून डॉक्टर बनण्यासाठी 3 वर्षांच्या डिप्लोमा कोर्सचा प्रस्ताव, तज्ञ म्हणाले, गुणवत्तेचे काय?
- Amritsar Blast : अमृतसर सुवर्ण मंदिर परिसर तिसऱ्यांदा स्फोटाने हादरला, 5 संशयितांच्या आवळल्या मुसक्या
- Jitendra Narayan Singh Tyagi: वक्फ बोर्डाचे अध्यक्ष अतिकच्या गुंडांसोबत काम करतात, जितेंद्र नारायण सिंह त्यागी यांचा आरोप
