तिरुवनंतपूरम - लग्न आणि लग्नाच्या वाढदिवस हा लोकांच्या जिव्हाळ्याचा विषय. याबद्दल लोकांना नेहमीच खूप आकर्षण असतं. आपला लग्नाचा वाढदिवस खास असावा यासाठी सगळेचजण वेगवेगळे प्लॅन्स करतात आणि जुन्या आठवणींना उजाळा देतात. अनेकदा आपल्या जोडीदाराला सरप्राईज देण्यासाठी महिला आणि पुरूष काही हटके करता येईल का याचा विचार करतात. मात्र, केरळमधील एका वृद्ध शेतकरी दाम्पत्याने लग्नाचा 50 वा वाढदिवस आगळ्यावेगळ्या पद्धतीने साजरा केला आहे.
केरळमधील कसारागोड येथील एका शेतकरी दाम्पत्याने मुख्यमंत्र्यांच्या लसीकरण मोहिमेला 50 हजार रुपयांची मदत केली आहे. थेक्केपल्लथ कुट्ट्यान पत्नी चिरुथा यांनी ही रक्कम उडुमा येथील सभासद सी.एच. कुंजंबू यांच्याकडे सोपवली.
कोरोनाच्या जीवघेणा दुसऱ्या लाटेने राज्यात गंभीर परिस्थिती निर्माण झाली आहे. या संकटात आपल्या योगदानाने चार जणांना मदत झाली. तर त्यांचे समाधान असेल, अशी प्रतिक्रिया थेककेपल्लथ कुट्ट्यान यांनी दिली. थेककेपल्लथ कुट्ट्यान हे शेती करतात. सध्या त्यांच्या उत्पन्नाचा मुख्य स्त्रोत सुपारीच्या लागवडीपासून आहे.
हेही वाचा - केंद्रीय मंत्र्यांचे टूलकिटवरील ट्विट मॅनीप्युलेटिव्ह मीडिया' म्हणून टॅग करावे- काँग्रेसची ट्विटरकडे मागणी
