नवी दिल्ली - केंद्राच्या धान खरेदी धोरणाला ( Paddy Procurement Policy ) विरोध करत तेलंगणाचे मुख्यमंत्री के. चंद्रशेखर राव यांनी सोमवारी मोदी सरकारला राज्यातून धान खरेदी करणार असल्यास त्याचे उत्तर देण्यासाठी २४ तासांची मुदत दिली आहे. केंद्र सरकारने प्रतिसाद न दिल्यास देशभरात आंदोलन करण्याचाही इशारा केसीआर यांनी दिला आहे.
शेतकरी भिकारी नाही - तेलंगणा भवन येथे त्यांच्या टीआरएस पक्षाच्या नेत्यांसह धरणे धरत मुख्यमंत्र्यांनी पंतप्रधान नरेंद्र मोदींना इशारा दिला, आमच्या शेतकऱ्यांच्या भावनांशी खेळू नका, त्यांच्यात सरकार पाडण्याची ताकद आहे. शेतकरी भिकारी नाहीत. त्यांना त्यांच्या उत्पादनासाठी किमान आधारभूत किंमत (एमएसपी) मागण्याचा अधिकार आहे, असेही ते म्हणाले. पुढे म्हणाले, हात जोडून मी मोदीजी आणि पीयूष गोयल यांना 24 तासांच्या आत धान खरेदीच्या राज्याच्या मागणीला प्रतिसाद देण्याची विनंती करतो.
हेही वाचा - Kanhaiya Kumar : भाजपकडून रामाच्या नावाने देशामध्ये दंगली; कन्हैय्या कुमार यांचा घणाघात
राकेश टिकैत यांचा पाठिंबा - केंद्राने प्रतिसाद न दिल्यास देशभरात आंदोलन अधिक तीव्र करू, असे ते म्हणाले. भारतीय किसान युनियन (बीकेयू) नेते राकेश टिकैत यांनीही येथे धरणे देण्याबाबत पाठिंबा दिला आहे. 2014 मध्ये राज्यात सत्तेवर आल्यानंतर तेलंगणा राष्ट्र समिती (TRS) ची दिल्लीतील ही पहिली निषेध रॅली केली होती. त्यावेळी पक्षाचे खासदार, आमदार, आमदार आणि संपूर्ण कॅबिनेट मंत्री धरणे धरले होते. चालू रब्बी हंगामात तेलंगणाच्या तांदूळ खरेदीची विनंती केंद्र सरकारने नाकारल्यानंतर टीआरएसने विरोध तीव्र केला आणि दिल्ली गाठली. केंद्राचे म्हणणे आहे की ते फक्त कच्चा तांदूळच खरेदी करू शकतात आणि परफळलेले तांदूळ नाही. जे भारतात मोठ्या प्रमाणावर वापरले जात नाहीत.
