नवी दिल्ली : काँग्रेस अध्यक्ष मल्लिकार्जुन खरगे यांनी मंगळवारी कर्नाटकमधील काँग्रेस विधिमंडळ पक्षाचा नेता निवडण्यासाठी राहुल गांधींसह पक्षाच्या अनेक वरिष्ठ नेत्यांशी सल्लामसलत केली. खरगे यांच्या निवासस्थानी झालेल्या बैठकीला राहुल गांधींव्यतिरिक्त पक्षाचे संघटनेचे सरचिटणीस केसी वेणुगोपाल, कर्नाटकचे प्रभारी रणदीप सुरजेवाला आणि अन्य काही नेते उपस्थित होते. दुसरीकडे, कर्नाटक प्रदेश काँग्रेस कमिटीचे अध्यक्ष डी.के. शिवकुमार आज दिल्लीला पोहोचले. शिवकुमार यांनी खरगे यांची त्यांच्या निवासस्थानी भेट घेतली. खरगे यांच्या भेटीपूर्वी राहुल गांधी, केसी वेणुगोपाल आणि रणदीप सिंग सुरजेवाला यांनी पक्षप्रमुखांशी मुख्यमंत्रीपदावर दीर्घ चर्चा केली. आता मुख्यमंत्रीपदावर एक-दोन दिवसांत निर्णय होऊ शकतो, असे सूत्रांचे म्हणणे आहे.
सिद्धरामय्या सोमवारपासून दिल्लीत हजर : विशेष म्हणजे शिवकुमार हे सोमवारीच दिल्लीत येणार होते, पण पोटात संसर्ग झाल्यामुळे त्यांनी आपली प्रस्तावित भेट रद्द केली. माजी मुख्यमंत्री सिद्धरामय्या सोमवारपासून दिल्लीत हजर आहेत. हे दोन्ही नेते मुख्यमंत्रीपदाचे प्रबळ दावेदार मानले जात आहेत. काँग्रेसचे प्रदेशाध्यक्ष खरगे यांनी सोमवारी पक्षाच्या तिन्ही पर्यवेक्षकांशी सखोल चर्चा केली, मात्र कोणताही निर्णय होऊ शकला नाही. कर्नाटकातील काँग्रेस विधिमंडळ पक्षाच्या नेत्याची निवड करण्यासाठी खरगे यांनी ज्येष्ठ नेते सुशीलकुमार शिंदे, जितेंद्र सिंह आणि दीपक बाबरिया यांची निरीक्षक म्हणून नियुक्ती केली होती.
-
Delhi | Amid talks in Congress to decide Karnataka CM, Congress leader Rahul Gandhi arrives at the residence of party president Mallikarjun Kharge. pic.twitter.com/XychvLL1eg
— ANI (@ANI) May 16, 2023 " class="align-text-top noRightClick twitterSection" data="
">Delhi | Amid talks in Congress to decide Karnataka CM, Congress leader Rahul Gandhi arrives at the residence of party president Mallikarjun Kharge. pic.twitter.com/XychvLL1eg
— ANI (@ANI) May 16, 2023Delhi | Amid talks in Congress to decide Karnataka CM, Congress leader Rahul Gandhi arrives at the residence of party president Mallikarjun Kharge. pic.twitter.com/XychvLL1eg
— ANI (@ANI) May 16, 2023
-
#WATCH | Congress leader Siddaramaiah arrives at the Delhi residence of party president Mallikarjun Kharge as Congress is in the process of selecting Karnataka CM pic.twitter.com/o8ueME2KsO
— ANI (@ANI) May 16, 2023 " class="align-text-top noRightClick twitterSection" data="
">#WATCH | Congress leader Siddaramaiah arrives at the Delhi residence of party president Mallikarjun Kharge as Congress is in the process of selecting Karnataka CM pic.twitter.com/o8ueME2KsO
— ANI (@ANI) May 16, 2023#WATCH | Congress leader Siddaramaiah arrives at the Delhi residence of party president Mallikarjun Kharge as Congress is in the process of selecting Karnataka CM pic.twitter.com/o8ueME2KsO
— ANI (@ANI) May 16, 2023
सिद्धरामय्या यांना 85 आमदारांचा पाठिंबा : तिन्ही निरीक्षकांनी पक्षाच्या नवनिर्वाचित आमदारांशी स्वतंत्रपणे चर्चा करून त्यांचे मत जाणून घेतले आणि त्यानंतर आपला अहवाल खरगे यांना सादर केला. रविवारी संध्याकाळी बेंगळुरूमधील एका खाजगी हॉटेलमध्ये झालेल्या काँग्रेस विधिमंडळ पक्षाच्या बैठकीत एकमताने पक्षाध्यक्षांना विधीमंडळ पक्षाचा नेता निवडण्याचा अधिकार देणारा ठराव मंजूर करण्यात आला, जो कर्नाटकचा पुढील मुख्यमंत्री होईल. सोमवारी कॉंग्रेस अध्यक्ष मल्लिकार्जुन खरगे यांना सादर केलेल्या निरीक्षकांच्या अहवालानुसार सिद्धरामय्या यांना शिवकुमार यांच्यापेक्षा जास्त आमदारांचा पाठिंबा आहे. कॉंग्रेसच्या एका वरिष्ठ नेत्याने सांगितले की, 'सिद्धरामय्या यांना 135 पैकी 85 आमदारांचा पाठिंबा आहे, तर शिवकुमार यांना 45 आमदारांचा पाठिंबा आहे. बाकीचा निर्णय हायकमांडच्या मर्जीवर आहे.'
सिद्धरामय्या यांचे पारडे जड : पक्षाच्या अंतर्गत सूत्रांच्या मते, नवीन मुख्यमंत्र्यांच्या निर्णयासाठी आमदारांचा पाठिंबा हा महत्त्वाचा घटक आहे. हायकमांडला मुख्यमंत्री म्हणून राज्यात स्थिर सरकार देऊ शकेल आणि प्रचारादरम्यान दिलेल्या विविध आश्वासनांची अंमलबजावणी करू शकेल अशी व्यक्ती हवी आहे. सिद्धरामय्या यांनी 2013 ते 2018 या काळात काँग्रेस सरकारचे नेतृत्व केले होते. त्यानंतर 2019 ते 2023 या कालावधीत ते विधानसभेत आमदारांचे नेते होते. त्यामुळे त्यांचे पारडे जड आहे.
सिद्धरामय्या कार्यकर्त्यांमध्ये लोकप्रिय आहेत. ते जनतेचे नेते मानले जातात. तसेच त्यांना मोठा प्रशासकीय अनुभवही आहे. - कॉंग्रेस कार्यकर्ता
शिवकुमारांची नाराजी पक्षाला परवडणार नाही : पक्षाच्या अंतर्गत सूत्रांच्या मते, हायकमांड राज्य युनिटचे प्रमुख शिवकुमार यांना उपमुख्यमंत्रीपद स्वीकारण्यासाठी राजी करण्याचा प्रयत्न करीत आहे. परंतु त्यांचा या प्रस्तावावर आक्षेप आहे. 2019 मध्ये जेडीएस - काँग्रेस आघाडी सरकारचा फ्लोर टेस्टमध्ये पराभव झाल्यानंतर डीके यांना राज्य युनिटचे प्रमुख बनवण्यात आले होते. पक्षाच्या अंतर्गत सूत्रांनी सांगितले की, हायकमांडला सिद्धरामय्या आणि शिवकुमार या दोघांनी 2024 च्या राष्ट्रीय निवडणुकीच्या मोठ्या राजकीय आव्हानासाठी एकत्र काम करावे अशी इच्छा आहे. कारण त्यांच्यातील कोणतेही मतभेद पक्षाचे राज्यात नुकसान करू शकतात. कर्नाटकात लोकसभेल्चाय 28 जागा असल्याने शिवकुमार यांना नाराज करणे पक्षाला परवडणारे नाही. कारण त्यांनी नुकत्याच झालेल्या विधानसभा निवडणुकीत 224 पैकी 135 जागा जिंकून दिल्या आहेत.
शिवकुमार रोटेशनद्वारे मुख्यमंत्रिपदासाठी अनुत्सुक : शिवकुमार यांना पक्षाने दिलेली आणखी एक ऑफर म्हणजे रोटेशनद्वारे मुख्यमंत्रिपद. परंतु ते या ऑफरबद्दल फारसे उत्साही नाहीत, कारण वेळेत या आश्वासनाची सुरळीत अंमलबजावणी होईल याची शाश्वती नाही. शिवाय, अशी व्यवस्था पक्षशासित राज्यांमध्ये कोठेही अस्तित्वात नाही. कॉंग्रेसचे पदाधिकारी म्हणाले की, 'कर्नाटकमध्ये पक्षाच्या यशामागे पाच सामाजिक कल्याण हमी आणि स्वच्छ प्रशासनाची भूमिका महत्त्वाची आहे. त्यामुळे नवीन सरकार कसे काम करते हे महत्त्वाचे ठरणार आहे. शिवकुमार यांना मुख्यमंत्रीपद मिळवायचे आहे हे समजण्यासारखे आहे पण ते उपमुख्यमंत्रीपद स्वीकारतील अशी आशा आहे.'
हेही वाचा :
