इंदूर(मध्य प्रदेश) - शहरात लव्ह जिहादच्या घटनांमध्ये सातत्याने वाढ (Indore Love Jihad) होत आहे. या प्रकरणामध्ये एका पीडितेने लव्ह जिहादच्या प्रकरणाबाबत इंदूर उच्च न्यायालयात याचिका दाखल केली असून, त्यावर सुनावणी करताना न्यायालयाने (Indore High Court) पोलिसांना कारवाई करण्याचे निर्देश दिले आहेत. पंजाबी महिलेला आधार देण्याच्या बहाण्याने 9 मुलांच्या बापाने आधी महिलेशी शारीरिक संबंध ठेवले आणि नंतर धर्म बदलायला लावला आहे, असा आरोप पीडितेच्या वकिलांनी केला आहे. सध्या पीडितेच्या याचिकेवर सुनावणी करताना उच्च न्यायालयाने विजयनगर पोलीस ठाण्याला पीडितेने दिलेल्या निवेदनावर वरिष्ठ अधिकाऱ्यांचा अर्ज विचारात घेऊन कारवाई करावी, असे निर्देश दिले आहेत.
आरोपी 9 मुलांचा बाप - पीडितेचे वकील कृष्णकुमार कुमार यांनी सांगितले की, पीडित महिलेच्या पतीचा मृत्यू झाला आहे. आरोपी मोहम्मद शाकीरने याचा फायदा घेतला आणि बँकेचे कर्ज मिळवून देण्याच्या नावाखाली त्या महिलेसोबत मैत्री केली. काही दिवसांनंतर शाकीर पीडितेच्या प्रेमात पडला. त्यानंतर आरोपीलने त्या महिलेला फिरायला घेऊन गेला होता. तिथे त्याने पीडितेला मादक पदार्थ पाजून आक्षेपार्ह व्हिडिओ बनवले होते. त्यानंतर आरोपीने पीडितेला व्हिडिओ दाखवून ब्लॅकमेल करण्यास सुरुवात केली, याचा फायदा घेत आरोपी पीडितेला सतत घरी नेऊन तिचे शोषण करत असे. दरम्यान, एके दिवशी पीडितेला समजले की आरोपी एका विशिष्ट समाजाचा असून तो 9 मुलांचा बाप आहे.
आरोपी करायचा धर्मपरिवर्तन - आरोपीने पीडितेला मदरशात नेले आणि उर्दूमध्ये लिहिलेल्या कागदपत्रांवर स्वाक्षरी करून घेतली. जेव्हा पीडितेने शाकीरला पत्नी आणि 9 मुलांबद्दल विचारले तेव्हा शाकीर म्हणाला, आमच्या धर्मात एकापेक्षा जास्त बायका ठेवल्या जातात, आम्हाला दुबईतून सांगण्यात आले की एकापेक्षा जास्त लग्न करणे आणि धर्म बदलणे हे सन्मानाचे कृत्य आहे. तसेच आरोपीने पीडितेच्या पहिल्या पतीपासून असलेल्या मुलीचे नाव बदलण्यासाठी दबाव टाकत होता, त्यानंतर पीडितेने न्यायासाठी आधी पोलिस आणि नंतर न्यायालयात धाव घेतली आहे.
न्यायालयाने पोलिसांना फटकारले - लव्ह जिहादबाबत राज्य सरकारकडून पोलीस अधिकाऱ्यांना सातत्याने कडक सूचना केल्या जात असतानाही राज्याची आर्थिक राजधानी असलेल्या इंदूरमध्ये पोलिसांकडून लव्ह जिहादच्या पीडितेला न्याय न मिळाल्याने उच्च न्यायालयाने पोलिसांना फटकारले आहे. तसेच या प्रकरणी एफआयआर नोंदविण्याच्या सूचना पोलिसांना देण्यात आल्या आहेत.
