नवी दिल्ली : गेल्या 24 तासांमध्ये देशात एक लाख 3 हजार 558 नव्या कोरोना रुग्णांची नोंद झाली. यामुळे देशातील एकूण कोरोना रुग्णांची संख्या 1 कोटी, 25 लाख, 89 हजार 67 झाली आहे. केंद्रीय आरोग्य मंत्रालयाने सोमवारी याबाबत माहिती दिली.
यासोबतच, काल दिवसभरात एकूण 478 कोरोना रुग्णांचा मृत्यू झाला. त्यानंतर, देशातील एकूण कोरोना बळींची संख्या 1 लाख 65 हजार 101 झाली आहे. देशातील एकूण रुग्णांपैकी, 7 लाख 41 हजार 830 रुग्ण अ‌ॅक्टिव्ह आहेत. तसेच, आतापर्यंत 1 कोटी, 16 लाख, 82 हजार 136 रुग्णांवर यशस्वी उपचार करण्यात आले आहेत.
