करनाल - हरियाणाच्या कर्नाल येथील 6 वर्षांची चिमुकली आफ्रिका खंडातील सर्वोच्च शिखरावर तिरंगा ध्वज फडकावणार आहे. 26 जानेवारीला ही चिमुकली किलीमांजरो पर्वताच्या शिखरावर तिरंगा फडकणार असल्याने ही अभिमानाची बाब आहे. कर्नालच्या या लेकीने इंडिया बुक ऑफ रेकॉर्डमध्ये चार वेळा आणि आशिया बुक ऑफ रेकॉर्डमध्ये तीन वेळा आपले नाव नोंदवले आहे. सिएना चोप्रा असे कर्नालच्या चिमुकलीचे नाव आहे.
गिर्यारोहणाच्या क्षेत्रात नवा विक्रम करणार प्रस्थापित : सिएना ही चिमुकली कर्नालच्या उंद्रीजवळील गोरगढ या गावची आहे. ती आफ्रिका खंडातील सर्वोच्च शिखर माऊंट किलीमांजरो सर करुन गिर्यारोहणाच्या क्षेत्रात नवा विक्रम प्रस्थापित करणार आहे. २६ जानेवारीला आफ्रिका खंडातील सर्वोच्च शिखर माऊंट किलीमांजरो या १९ हजार ३४१ फूट उंचीच्या शिखरावर भारताचा तिरंगा ध्वज फडकावण्याचे सिएनाचे ध्येय आहे.
महिला सक्षमीकरणाचे उदाहरण : सिएना ही चिमुकली मिशन किलीमांजारोमध्ये महिला सक्षमीकरणाचे अनोखे उदाहरण सादर करणार असल्याचे तिच्या वडिलांनी सांगितले. तिचे वडील प्रदीप चोप्रा म्हणाले की, यापूर्वी सिएनाने चार वेळा इंडिया बुक ऑफ रेकॉर्डमध्ये नाव नोंदवले आहे. तसेच तिने तीन वेळा एशिया बुक ऑफ रेकॉर्डमध्येही विक्रम केला आहे. सिएना सध्या लुधियानातील एका खासगी शाळेत शिकत असल्याची माहितीही त्यांनी यावेळी दिली. खरे तर सिएनाची ही मोहीम आमच्यासाठी अभिमानाची बाब असल्याचे या मोहिमेचे प्रायोजक गौरव यांनी यावेळी सांगितले.
व्हिडिओ पाहून शिखर सर करण्याची इच्छा : सिएना ही 26 जानेवारीला आपला विक्रम नोंदवणार आहे. याबाबत तिच्या आई मोनिका चोप्राने यांनी विचारले असता, मुलीने व्हिडिओ पाहून हे शिखर सर करण्याची इच्छा व्यक्त केल्याचे सांगितले. ती हे काम नक्कीच पूर्ण करेल, अशी आम्हाला आशा असल्याचे त्यांनी यावेळी स्पष्ट केले. ती आपल्या राज्याचे आणि देशाचे नाव उंचावेल, याचा आम्हाला अभिमान असल्याचेही त्यांनी यावेळी स्पष्ट केले. सिएनाला टेनिसमध्येही रस असल्याचे त्यांनी यावेळी सांगितले.
चिमुकलीला देश करणार सलाम : सिएना या सहा वर्षाच्या चिमुकलीने सर्वोच्च पर्वतावर जाऊन दुसऱ्या देशात तिरंगा फडकवण्याचा निर्धार केला आहे. ही भारतीयासाठी अभिमानाची बाब आहे. किलीमांजरोची या शिखराची उंची 19 हजारांपेक्षा जास्त आहे. त्याची लांबी 5,895 मीटर आहे. हे शिखर सात शिखरांपैकी चौथ्या क्रमांकाचे सर्वोच्च शिखर आहे. किलीमांजरोची समुद्रसपाटीपासून सरासरी 5895 मीटर उंची आहे. त्यामुळे सिएनाच्या या कर्तृत्वाला देश सलाम करणार आहे.
हेही वाचा - ASER 2022 report : महाराष्ट्रात शाळेत जाणाऱ्या मुलांचा टक्का वाढला, पण अभ्यासात मुले गंडच!
