Ganesh Laddu Auction In Hyderabad : गणेश प्रसादाला विक्रमी किंमत, 1.20 कोटी रुपयांना गणेश लाडूचा लिलाव

Ganesh Laddu Auction In Hyderabad : तेलंगणातील हैदराबादमधील बंदलागुडा येथील एका गेट्ड सोसायटीमधील गणेश लाडूच्या लिलावात आयोजकांना 1.20 कोटी रुपये मिळाले आहेत. हा पैसा जनतेच्या सेवेसाठी वापरणार असल्याचं आयोजन समितीच्या सदस्यांनी सांगितलं. वाचा संपूर्ण बातमी...

हैदराबाद Ganesh Laddu Auction In Hyderabad : हैदराबादच्या बंदलागुडामध्ये लाडूंच्या लिलावानं विक्रम केला. परिसरातील प्रसिद्ध रिचमंड व्हिला येथे झालेल्या लिलावात एका गणेश लाडूची १.२० कोटी रुपयांची बोली लागली. बंदलागुडा येथील गणेश लाडूंच्या लिलावानं नविन विक्रम केलाय. कीर्ती रिचमंड व्हिलाच्या गणेश लाडूला एका व्यक्तीनं 1.20 कोटी रुपयांना विकत घेतलं. गेल्या वर्षी याच ठिकाणी झालेल्या लिलावात या लाडूची किंमत 60.80 लाख रुपये होती. त्यानं मागील विक्रम मोडीत काढत नवीन विक्रम केलाय.

लाडूंचा लिलावातून गरजूना मदत : या लिलावात मिळणारा सर्व पैसा समाजसेवेत खर्च होणार असल्याचे आयोजकांनी सांगितलं. ते म्हणाले की, गेल्या दहा वर्षांपासून विनायक महोत्सवाचं मोठ्या प्रमाणावर आयोजन केलं जात आहे. गणेश महोत्सव समितीचे व्यवस्थापक म्हणाले की, आम्ही सर्वजण जवळपास 10 वर्षांपासून येथे पूजा करत आहोत. दरवर्षी आम्ही गणेश लाडूंचा लिलाव करतो. जे काही पैसे मिळतात ते आपण दान करतो. आम्ही या पैशाचा उपयोग सरकारी शाळा आणि गरजू आरोग्य कर्मचाऱ्यांना तसेच अभ्यास करू न शकणाऱ्या विद्यार्थ्यांना मदत करण्यासाठी वापरतो. आजही लिलावानंतर मिळणारी रक्कम सेवा कामासाठी वापरणार आहोत. गेल्या वर्षी लिलावातून आम्हाला 60 लाख रुपये मिळाले होते. या वर्षी आम्हाला 1.20 कोटी रुपये मिळाले आहेत.

हैदराबाद, तेलंगणा येथील बंदलागुडा येथील एका गेट्ड सोसायटीमध्ये गणेश लाडूच्या लिलावात आयोजकांना 1.20 कोटी रुपये मिळाले आहेत. हा पैसा जनसेवेसाठी वापरण्यात येणार असल्याचे आयोजन समितीच्या सदस्यांनी सांगितले.

गणेश चतुर्थी मोठ्या थाटात साजरी : कीर्ती रिचमंड व्हिला येथे गणेश चतुर्थी मोठ्या थाटात साजरी करण्यात आल्याचं गणेश समितीच्या आयोजकांनी सांगितलं. या अकरा दिवसांत व्हिलामधील सर्व सदस्यांनी सांगितले की, ते संध्याकाळी सर्व कामे उरकून गणपतीच्या सेवेत मग्न होतात. गणेशोत्सवाच्या दिवसांत त्यांची मुलेही देवाच्या सेवेत मग्न असतात. महागणपती विसर्जनासाठी नेल्यावर मुले मोठ्याने रडतील, असं आयोजकांनी सांगितलं.

हेही वाचा -