बेंगळुरू (कर्नाटक): निवडणूक आयोगाने शनिवारी सांगितले की त्यांनी कर्नाटकातील आगामी विधानसभा निवडणुकीत 80 वर्षांवरील व्यक्ती आणि अपंग व्यक्तींसाठी घरोघरी मतदान करण्याची सुविधा सुरू केली आहे. मुख्य निवडणूक आयुक्त राजीव कुमार यांनी येथे पत्रकारांशी बोलताना ही माहिती दिली. 'आमची टीम अशा मतदारांकडे फॉर्म-12डी घेऊन जाईल आणि मतदान करून घेईल असही ते यावेळी म्हणाले आहेत.
'सक्षम' हे मोबाइल अॅप्लिकेशन सुरू करण्यात आले: याबाबत प्रयोगात गोपनीयता पाळली जाणार आहे. संपूर्ण प्रक्रियेचे व्हिडिओग्राफी करण्यात येणार असल्याचेही कुमार यांनी सांगितले आहे. ते म्हणाले की, दिव्यांगांसाठी 'सक्षम' हे मोबाइल अॅप्लिकेशन सुरू करण्यात आले आहे, ज्यामध्ये ते लॉग-इन करून मतदान करण्याची सुविधा निवडू शकतात.
'सुविधा' पोर्टलचा वापर करू शकतात : 'सुविधा' नावाचे आणखी एक मोबाइल अॅप्लिकेशन विकसित करण्यात आले आहे, जे उमेदवारांना नामनिर्देशन आणि शपथपत्रे दाखल करण्यासाठी ऑनलाइन पोर्टल आहे. कुमार म्हणाले, "उमेदवार सभा आणि रॅलीसाठी परवानगी घेण्यासाठी 'सुविधा' पोर्टलचा वापर करू शकतात." तसेच, ते म्हणाले की, निवडणूक आयोगाने मतदारांच्या हितासाठी 'नो युवर कॅन्डिडेट' (केवायसी) ही मोहीम सुरू केली आहे.
15 अनुसूचित जमातीसाठी राखीव : कर्नाटक विधानसभा निवडणुकीबद्दल बोलताना ते म्हणाले की 224 मतदारसंघ असलेल्या राज्यात 36 जागा अनुसूचित जाती आणि 15 अनुसूचित जमातीसाठी राखीव आहेत. ते म्हणाले की, 5.21 कोटी मतदार असून त्यापैकी 2.59 महिला मतदार आहेत. राज्यात 58,272 मतदान केंद्रे असून त्यात शहरी भागातील 24,063 मतदान केंद्रे आहेत. प्रत्येक केंद्रावर सरासरी 883 मतदार आहेत.
24 मे पूर्वी निवडणुका : या मतदान केंद्रांपैकी 1,320 महिला व्यवस्थापित, 224 तरुण व्यवस्थापित आणि 224 PWD व्यवस्थापित आहेत. सीईसी म्हणाले की 29,141 मतदान केंद्रांवर वेबकास्टिंग होईल आणि 1,200 महत्त्वाची मतदान केंद्रे आहेत. निवडणुकीच्या संभाव्य तारखेबद्दल विचारले असता ते म्हणाले की, सध्याच्या विधानसभेचा कार्यकाळ संपत असताना 24 मे पूर्वी निवडणुका घ्याव्या लागतील.
हेही वाचा : Umesh Pal murder case: दृश्यम चित्रपटाची स्टोरी वापरून हत्या प्रकरणातील आरोपीला वाचवण्याचा केला प्लॅन
