Agniveers Passing Out Parade : अग्निवीरांची पहिली तुकडी सेवा देण्यासाठी सज्ज, खुशी पठानिया ठरली सर्वोत्कृष्ट महिला अग्निवीर

अग्निवीर जवानांची पहिली तुकडी देशाची सेवा करण्यासाठी सज्ज झाली आहे. काल या जवानांची पासिंग आऊट परेड पार पडली. अग्निवीरांच्या पहिल्या पासिंग आऊट परेडमध्ये खुशी पठानियाला सर्वोत्कृष्ट महिला अग्निवीर म्हणून जनरल बिपिन रावत करंडक प्रदान करण्यात आला.

चिल्का (ओडिशा) : भारतीय नौदलाच्या आयएनएस चिल्का येथे मंगळवारी 2,585 अग्निवीरांच्या पहिल्या तुकडीची पासिंग आऊट परेड पार पडली. चार महिन्यांचे प्रशिक्षण पूर्ण केल्यानंतर हे अग्निवीर आता सेवेसाठी सज्ज झाले आहेत. नौदल प्रमुख अ‍ॅडमिरल आर हरी कुमार यांनी पासिंग आऊट परेडमध्ये नवीन भरती झालेल्या जवानांची सलामी घेतली. सूर्यास्तानंतर या कार्यक्रमाचे आयोजन करण्यात आले होते. भारतीय सशस्त्र दलात पहिल्यांदाच सूर्यास्तानंतर पासिंग आऊट परेड घेण्यात आली. पारंपरिकपणे, पासिंग आऊट परेड सकाळी आयोजित केली जाते.

• History in making, #FirstAgniveerBatch #MaidenWomenAgniveers #NariShakti #MaidenNightPOP #WomenOnboard passing out from hallowed portals of INS Chilka @indiannavy @IN_HQSNC @IndiannavyMedia pic.twitter.com/eWvClFpQmf

  — INS Chilka (@IN_Chilka) March 29, 2023 " class="align-text-top noRightClick twitterSection" data="

  History in making, #FirstAgniveerBatch #MaidenWomenAgniveers #NariShakti #MaidenNightPOP #WomenOnboard passing out from hallowed portals of INS Chilka @indiannavy @IN_HQSNC @IndiannavyMedia pic.twitter.com/eWvClFpQmf

  — INS Chilka (@IN_Chilka) March 29, 2023

  ">

  History in making, #FirstAgniveerBatch #MaidenWomenAgniveers #NariShakti #MaidenNightPOP #WomenOnboard passing out from hallowed portals of INS Chilka @indiannavy @IN_HQSNC @IndiannavyMedia pic.twitter.com/eWvClFpQmf

  — INS Chilka (@IN_Chilka) March 29, 2023

खुशी पठानिया सर्वोत्कृष्ट महिला अग्निवीर : आयएनएस चिल्का येथे अग्निवीरच्या पहिल्या पासिंग आऊट परेडमध्ये खुशी पठानियाला सर्वोत्कृष्ट महिला अग्निवीर म्हणून जनरल बिपिन रावत करंडक प्रदान करण्यात आला. 19 वर्षीय खुशी पठानिया मूळची पठाणकोटची आहे. तिचे आजोबा सुभेदार मेजर पदावरून निवृत्त झाले आहेत. तर तिचे वडील शेतकरी आहेत. आयएनएस चिल्का ही भारतीय नौदलाच्या अग्निशमन दलाची प्रमुख मूलभूत प्रशिक्षण संस्था आहे. ही संस्था सर्वसमावेशक प्रशिक्षण प्रणालीद्वारे भर्तीसाठी प्रारंभिक प्रशिक्षण प्रदान करते.

272 महिला अग्निवीर : या ऐतिहासिक कार्यक्रमाला माजी धावपटू आणि राज्यसभा खासदार पी टी उषा तसेच क्रिकेटपटू मिताली राज देखील उपस्थित होत्या. प्रशिक्षण पूर्ण करून उत्तीर्ण झालेल्यांमध्ये 272 महिला अग्निवीर आहेत. याप्रसंगी अग्निवीरांना संबोधित करताना नौदल प्रमुख अ‍ॅडमिरल आर हरी कुमार यांनी उत्तीर्ण झालेल्या अग्निवीरांना कुठेही गेले तरी त्यांचे कर्तव्य चोख बजावण्यास सांगितले. अग्निवीर जीवनातील सर्व आव्हानांना पूर्ण आत्मविश्वासाने सामोरे जाईल, अशी आशा त्यांनी व्यक्त केली.

'देशसेवेची संधी मिळणे भाग्याचे' : नौदल प्रमुख म्हणाले की, तुम्हाला देशसेवा करण्याची संधी मिळाली आहे हे तुमचे भाग्य आहे. मला खात्री आहे की कोणत्याही शत्रू देशाकडून कोणतेही आव्हान आले तर तुम्ही त्यांना चोख प्रत्युत्तर देऊ शकाल. अ‍ॅडमिरल कुमार यांनी नाविकांना राष्ट्र उभारणीसाठी नौदलाच्या कर्तव्य, सन्मान आणि धैर्य या मूलभूत मूल्यांचे पालन करण्याचे आवाहन केले आहे.

हेही वाचा : NSA Meeting Of SCO : एससीओच्या आजच्या बैठकीत पाकिस्तानही होणार सहभागी, अजित डोवाल यांचे संबोधन