गोवा (पणजी)- आपल्या विविध मागण्यांसाठी अंगणवाडी सेविकानी मुख्यमंत्री निवासाबाहेर आंदोलन केले होते. मात्र, या आंदोलनाला राजकीय स्वरूप दिल्याने पोलिसांनी मध्यरात्री आंदोलनातील नेत्यांना ताब्यात घेतले. (Anganwadi Workers Protest front of Goa CM House) यावेळी झालेल्या धक्काबुकीत काही महिला जखमी झाला आहेत.
अचानक आलेल्या मोर्चामुळे पोलीस आणि आंदोलनकर्ते यात बरीच झटापट झाली
आपल्या विविध मागण्यांसाठी अंगणवाडी सेविकांनी मागच्या सात दिवसांपासून पणजीतील आझाद मैदानावर (Anganwadi Workers In Panaji) आंदोलन सुरू केले होते. मात्र, या आंदोलनाला मुख्यमंत्री डॉ. प्रमोद सावंत यांनी कोणताच प्रतिसाद न दिल्याने आंदोलनकर्त्यांनी बुधवारी दुपारी आपला मोर्चा मुख्यमंत्री यांच्या निवासस्थानी नेला होता. अचानक आलेल्या मोर्चामुळे पोलीस आणि आंदोलनकर्ते (Anganwadi workers protest at Azad Maidan in Panaji) यात बरीच झटापट झाली. यात काही महिला जखमी झाल्या. त्यांना गोवा वैद्यकीय महाविद्यालयात पुढील उपचारासाठी दाखल करण्यात आले होते.
आंदोलन कर्त्यांना मध्यरात्री अटक
मुख्यमंत्री डॉ. सावंत यांनी आंदोलनकर्त्यांना चर्चेसाठी आमंत्रण दिले होते. मात्र, मुख्यमंत्री सावंत यांचे निमंत्रण धुडकावून लावत आंदोलनकर्त्यांनी मुख्यमंत्री निवासाबाहेरच आपले आंदोलन चालू ठेवले. यात काही राजकीय पक्षाचे पदाधिकारी सहभागी झाले होते. म्हणून पोलिसांनी त्यांना ताब्यात घेतले. यावेळी पुन्हा एकदा आंदोलनकर्ते आणि पोलीस यांच्यात मध्यरात्रीच्या सुमारास झटापट झाली.
तरीपण मुख्यमंत्र्यांची मागणी धुडकावून लावली
मुख्यमंत्री डॉ. सावंत स्वतः आंदोलनकर्त्या अंगणवाडी सेविकांशी संवाद साधायला पुढे सरसावले होते. (Leader of Opposition in Goa Digambar Kamat) मात्र, त्यांची विनंती आंदोलकांनी धुडकावून टाकली. 'आमच्या नेत्यांची आधी कारागृहातून सुटका करा, मगच चर्चेला या, 'अशी मागणी आंदोलनकर्त्या सेविकांनी लावून धरली. यावेळी उत्तर गोवा जिल्हाधिकारी अजित रॉय यांनीही आंदोलनकर्त्यांना चर्चेसाठी पुढे येण्याचे आवाहन केले होते. मात्र, आंदोलनातील नेते हृदयनाथ शिरोडकर यांच्याविना आपण चर्चेस तयार नसल्याचे आंदोलनकर्त्यांनी सांगितले.
विरोधी पक्षनेत्यांची मध्यस्थी आणि आंदोलनावर तोडगा
विरोधी पक्षनेते आणि माजी मुख्यमंत्री दिगंबर कामत यांनी मध्यरात्री घटनास्थळी भेट दिली. (Goa Assembly Election 2021) यावेळी आंदोलनकर्ते व मुख्यमंत्री डॉ. सावंत यांच्या सोबत चर्चा करून त्यांच्या विविध मागण्यांसाठी पुढील चर्चा, तसेच आंदोलनातील नेत्यांना सोडण्याच्या अश्वासनावर आंदोलन मागे घेण्याचे आश्वासन दिले. त्यामुळे अखेर मध्यरात्री अडीच वाजता आंदोलन मागे घेतले असल्याची माहिती अंगणवाडी सेविका आणि विरोधी पक्षनेते दिगंबर कामत यांनी दिली.
बाईट - दिगंबर कामत- विरोधी पक्षनेते
आपण चर्चेसाठी तयार- मुख्यमंत्री
अपल्याला या आंदोलनाविषयी काहीच माहिती नव्हती. अंगणवाडी सेविका यांनी आपल्या घरासमोर मोर्चा आणला त्यावेळी आपल्याला याबद्दल माहिती मिळाली. आपण त्यांना चर्चेसाठी निमंत्रण दिले होते. मात्र, त्यांनी यास नकार दिला. मात्र, विरोधी पक्षनेते दिगंबर कामत आणि अंगणवाडी सेविका तसेच संबधित खात्यांच्या अधिकारी यांच्याशी गुरुवारी चर्चा करून यावर योग्य तो निर्णय घेण्यात येणार असल्याचे मुख्यमंत्री डॉ. प्रमोद सावंत यांनी सांगितले.
बाईट- डॉ प्रमोद सावंत
आंदोलनाला राजकीय स्वरूप
विधानसभा निवडणूक अवघ्या काही दिवसांवर येऊन ठेपली आहे. त्यामुळे या आंदोलनाला राजकीय स्वरूप देण्यात आले. या आंदोलनात आधीच काँग्रेस, गोवा फॉरवर्ड, आप यांनी भेट देऊन यावरून राजकारण तापविण्याचा प्रयत्न केला होता. त्यातच आंदोलनवेळी गोवा फॉरवर्ड आणि काँग्रेस नेते यात सहभागी झाल्यामुळे पोलिसांनी त्यांच्या नेत्यांना ताब्यात घेतले. त्यांनतर बुधवारी मध्यरात्री काँग्रेस नेते दिगंबर कामत, गिरीश चोदनकार, दिनेश गुंडू राव तर तृणमूलच्या खासदार माहुआ मोईत्रा, किरण कंडोळकर यांनी भेट देऊन हा राजकीय मुद्दा केल्यामुळे या आंदोलनाला विशेष महत्व प्राप्त झाले होते.
हेही वाचा - South Kashmir Encounter : लष्कराची मोहीम फत्ते! 6 दशतवाद्यांचा खात्मा
