पानिपत (हरियाणा): पानिपतमधील एक तृतीयपंथी आणि उत्तर प्रदेशचा अखिलेश यांची प्रेमकहाणी हिंदी चित्रपटाच्या स्क्रिप्टपेक्षा कमी नाही. सर्वात आधी यूपीच्या तरुणाने पानिपतमध्ये राहणाऱ्या तृतीयपंथीयाला प्रेमाच्या जाळ्यात अडकवले. यानंतर अखिलेश आणि त्याचे 7 वर्षे अफेअर होते. यादरम्यान अखिलेश त्याच्याकडून पैसे गोळा करत होता. शेवटी अखिलेशने या तृतीयपंथीयाला लिंग बदल करण्यास भाग पाडले. लिंग बदल झाल्यानंतर अखिलेशने तिच्याशी लग्न केले. यानंतर सर्व काही बदलले.
हुंड्याच्या वस्तू घेऊन अखिलेश फरार : तृतीयपंथीयाने पोलिसांना दिलेल्या तक्रारीत म्हटले आहे की, त्याच्या सहकाऱ्यांनी लाखो रुपयांचा माल अखिलेशला हुंडा म्हणून दिला होता. ज्यासह तो पळून गेला. तृतीयपंथीयाचा आरोप आहे की, लग्नानंतर अखिलेश तिच्याशी भांडू लागला. यादरम्यान समजले की, अखिलेशने केवळ पैसा, लक्झरी लाइफस्टाइल आणि महागड्या गाड्या घेण्यासाठी तिच्याशी लग्न केले होते.
हुंडा: तृतीयपंथीय समाजाने लग्नात अखिलेशला सुमारे 2 तोळे सोने, 5 तोळे चांदी आणि 5 मोबाईल हुंडा म्हणून दिले होते. सामानासह आरोपींने पीडितेकडून सुमारे १७ लाख रुपये उकळले आणि आजपर्यंत तिने एक रुपयाही खर्च केला नाही. पीडितेच्या म्हणण्यानुसार, अखिलेश तिच्या सर्व सामानासह पळून गेला. पीडितेनुसार, मार्च 2023 रोजी दोघांमध्ये भांडण झाले होते. त्यानंतर अखिलेश 13 एप्रिल 2023 रोजी घरातून निघून गेला, कारण त्याला फक्त आपली वासना पूर्ण करायची आहे.
अशी झाली प्रेमकहाणी : उत्तर प्रदेशचा रहिवासी असलेला अखिलेश पानिपतमध्ये कॅब चालवून जगत होता. 2016 मध्ये दोघेही कॅब ड्रायव्हर आणि प्रवासी म्हणून एकमेकांना भेटले होते. पीडितेने कुठेतरी जाण्यासाठी अखिलेशची कॅब बुक केली होती. तेव्हापासून दोघांमधील भेटीगाठी वाढतच गेल्या. त्यांची भेट लवकरच प्रेमात बदलली. दोघांमध्ये 7 वर्षे अफेअर चालले. त्यानंतर दोघांनी लग्न करण्याचा निर्णय घेतला.
