बेंगळुरू (कर्नाटक) : कर्नाटक विधानसभा निवडणुकीबाबत निवडणूक आयोग पूर्णपणे सतर्क असल्याचे दिसत आहे. याबाबत निवडणूक आयोगाकडून सातत्याने अवैध रोकड, माल आणि दारू जप्त करण्यात येत आहे. अशा निवडणूक गैरप्रकारांना आळा घालण्यासाठी विविध तपास यंत्रणाही अथक प्रयत्न करत आहेत. याचाच एक भाग म्हणजे निवडणुक आयोगाने बेंगळुरूच्या पुलकेशी नगर विधानसभा मतदारसंघात सोमवारी १.०२ कोटी रुपयांचे २.०५ किलो अमली पदार्थ जप्त केले आहेत. दरम्यान, अशा घटनांनी राज्यात कोणत्या पद्धतीने निवडणुका होत आहेत हे लक्षात येत आहे अशी प्रतिक्रिया सामान्य नागरिक देताना दिसत आहेत.
मोफत भेटवस्तू जप्त करण्यात आल्या : या प्रकरणाबाबत, निवडणूक आयोगाने एका प्रसिद्धीपत्रकात माहिती दिली, की बीटीएम लेआउट मतदारसंघात 1.50 कोटी रुपयांचे 2.67 किलो अमली पदार्थ जप्त करण्यात आले आणि बंगळुरू शहर दक्षिण मतदारसंघात 61.40 लाख रुपये रोख जप्त करण्यात आले आहेत. आचारसंहिता लागू झाल्यापासून एकूण 111.11 कोटी रुपये रोख आणि 22.33 कोटी रुपयांच्या मोफत भेटवस्तू जप्त करण्यात आल्या आहेत असेही निवडणुक आयोगाने सांगितले.
एकूण 309.35 कोटी रुपयांचा माल जप्त : तसेच, 74.13 कोटी रुपयांची 19.62 लाख लिटर दारू, 21.13 कोटी रुपयांचे 1,662.28 किलो ड्रग्ज, 76.05 कोटी रुपयांचे 149.42 किलो सोने, 4.48 कोटी रुपयांचे 644.54 किलो चांदी यांचा समावेश असल्याचे निवडणूक आयोगाने सांगितले आहे. 80.53 कोटी रुपयांचे सोने-चांदीचे साहित्य जप्त करण्यात आल्याचे सांगण्यात येत आहे. तसेच, रोख रक्कम आणि दारूसह एकूण 309.35 कोटी रुपयांचा माल जप्त करण्यात आल्याची माहिती आयोगाने दिली आहे.
सीआरपीसी कायद्यांतर्गत 5,522 गुन्हे दाखल करण्यात आले : आतापर्यंत 2,390 एफआयआर, 69,825 शस्त्रे जमा करण्यात आली आहेत आणि 18 शस्त्रे जप्त करण्यात आली आहेत. याशिवाय 20 शस्त्र परवाने रद्द करण्यात आले असून, सीआरपीसी कायद्यांतर्गत 5,522 गुन्हे दाखल करण्यात आले आहेत. 10,077 व्यक्तींकडून कव्हर लेटर प्राप्त झाले. निवडणूक आयोगाने सांगितले की, 15,456 अजामीनपात्र वॉरंटची अंमलबजावणी करण्यात आली आहे.
हेही वाचा : Sharad Pawar Book : जनतेने मला ५६ वर्षे राजकारणात ठेवले- शरद पवारांकडून जुन्या आठवणींना उजाळा
