नवी दिल्ली: Delhi Liquor Scam Case : दारू घोटाळा प्रकरणात अंमलबजावणी संचालनालयाने (ईडी) पुरावे नष्ट करण्याबाबत बोलले असून, दिल्लीचे उपमुख्यमंत्री मनीष सिसोदिया Delhi Deputy Chief Minister Manish Sisodia आणि इतर आरोपींनी वारंवार फोन बदलल्याचा दावा केला आहे. ईडीने राऊस एव्हेन्यू कोर्टात दाखल केलेल्या आरोपपत्रात सिसोदिया यांनी 14 फोन वापरल्याचा दावा केला आहे. याशिवाय कालवकुंतला कविता आणि कैलाश गेहलोत यांच्यासह सर्व आरोपींनी अनेक वेळा फोन बदलले. Manish Sisodia used 14 phones
ईडीच्या म्हणण्यानुसार, मंगळवारी रात्री अटक करण्यात आलेला दिल्लीचा व्यापारी अमित अरोरा याने 11 वेळा फोन बदलले. एजन्सीने अरोरा आणि सिसोदिया यांच्यासह इतरांवर पुरावे नष्ट केल्याचा आरोप केला आहे. अंमलबजावणी संचालनालयाने (ईडी) सांगितले की या फोनची एकूण अंदाजे किंमत सुमारे 1.38 कोटी रुपये आहे. मुख्यमंत्री अरविंद केजरीवाल यांचे पीए आणि मनीष सिसोदिया यांच्यासह किमान 36 आरोपींनी कथित घोटाळ्यातील कोट्यवधी रुपयांच्या लाचेचे पुरावे लपवण्यासाठी 170 फोन नष्ट केले किंवा वापरले. यापैकी 17 फोन जप्त करण्यातही ईडीला यश आले आहे. मात्र, यामध्येही अनेकांचा डेटा डिलीट करण्यात आला आहे. असे असतानाही तपास यंत्रणेने काही महत्त्वाची माहिती मिळवल्याचा दावा केला आहे.
अमित अरोरा यांनी 11 वेळा मोबाईल बदलला: ईडीने दावा केला की आरोपी अमित अरोरा यांनी 11 वेळा मोबाईल बदलला आणि नष्ट केला. उद्योगपती अमित अरोरा याला नुकतेच ईडीने अटक करून न्यायालयात हजर केले, तेथून त्याला चौकशीसाठी ७ दिवसांची कोठडी मिळाली आहे. अरोरा हे दिल्लीचे उपमुख्यमंत्री मनीष सिसोदिया यांचे निकटवर्तीय मानले जातात. अटकेनंतर त्याला राऊस अॅव्हेन्यू कोर्टात हजर करण्यात आले.
अमित अरोरा सीबीआयच्या एफआयआरमध्ये आरोपी क्रमांक 9 आहे आणि सूत्रांनुसार, तो तोच मद्यविक्रेता आहे जो भाजपच्या स्टिंग ऑपरेशनमध्ये देखील दिसला होता. त्यांची सीबीआयने चौकशीही केली होती. गेल्या आठवड्यात ईडीने त्यांच्या ठिकाणांवर छापे टाकले. अरोरा बडी रिटेल्स आणि इतर 13 कंपन्यांचे संचालक आहेत आणि यापूर्वी ते 37 कंपन्यांचे संचालक होते. अबकारी धोरणातील बदलात अरोरा यांच्या या कंपन्यांचा महत्त्वाचा हात असल्याचा संशय आहे. या कंपन्यांच्या खात्यातून हॉटेल आणि विमान तिकिटे बुक करण्यात आली.
