नवी दिल्ली: पूर्व लडाखमधील प्रत्यक्ष नियंत्रण रेषेवरील (LAC) असलेल्या संघर्षाच्या ( Eastern Ladakh dispute ) समस्यांचे निराकरण करण्यासाठी भारत आणि चीन 17 जुलै रोजी उच्चस्तरीय लष्करी चर्चेची 16 वी फेरी आयोजित करण्याची शक्यता ( military talks between india and china ) आहे. अधिकाऱ्यांनी बुधवारी ही माहिती दिली. 11 मार्च रोजी भारतीय लष्कर आणि चिनी लष्कर यांच्यातील चर्चेची शेवटची फेरी पार पडली. चर्चेच्या नवीन फेरीत, भारतीय बाजूने डेपसांग बुलगे आणि डेमचोकमधील समस्यांचे निराकरण करण्याची मागणी करण्यासह उर्वरित सर्व संघर्षाच्या ठिकाणांहून लवकरात लवकर सैन्य मागे घेण्यासाठी दबाव आणणे अपेक्षित आहे. ( border standoff in eastern ladakh )
परराष्ट्रमंत्र्यांचीही झाली बैठक : सूत्रांनी सांगितले की, 17 जुलै रोजी कॉर्प्स कमांडर स्तरावरील चर्चेची 16 वी फेरी होण्याची शक्यता आहे. पूर्व लडाखशी संबंधित वादाच्या मुद्द्यावर गेल्या आठवड्यात परराष्ट्र व्यवहार मंत्री एस. जयशंकर आणि त्यांचे चिनी समकक्ष वांग यी यांच्यातील इंडोनेशियातल्या बाली येथे झालेल्या चर्चेला महत्त्व आले. G20 परराष्ट्र मंत्र्यांच्या परिषदेच्या वेळी बाली येथे तासभर चाललेल्या बैठकीत जयशंकर यांनी पूर्व लडाखमधील सर्व प्रलंबित समस्यांचे लवकरात लवकर निराकरण करण्याची गरज वांग यांना सांगितली.
सैन्य मागे घेण्याचे आवाहन : दोन्ही देशांमधील संबंध परस्पर आदर, परस्पर संवेदनशीलता आणि परस्पर हितांवर आधारित असले पाहिजेत, असेही ते म्हणाले. संघर्षाच्या काही ठिकाणांहून सैन्य मागे घेण्याचा संदर्भ देत परराष्ट्र मंत्र्यांनी एका निवेदनात म्हटले आहे की, परराष्ट्र मंत्र्यांनी सीमावर्ती भागात शांतता आणि स्थैर्य प्रस्थापित करण्यासाठी उर्वरित सर्व भागातून सैन्य मागे घेण्याची प्रक्रिया पूर्ण करण्याचे आवाहन केले आहे. ही प्रक्रिया वेगवान करण्याची गरज असल्याचेही ते म्हणाले.
हेही वाचा : लडाखमधील बर्फाने गोठलेल्या झांस्कर नदीचा मनमोहक नजारा, पाहा व्हिडिओ...
