चेन्नई : पुढील महिन्यात होणाऱ्या विधानसभा निवडणुकांसाठी द्रमुकने (डीएमके) आपल्या उमेदवारांची यादी जाहीर केली आहे. पक्षाचे अध्यक्ष एम. के. स्टॅलिन हे कोलाथूर मतदारसंघातून पुन्हा एकदा निवडणूक लढवणार आहेत. तर, त्यांचे पुत्र उदयानिधी हे चेन्नईतील चेपौक-त्रिप्लिकेन या मतदारसंघातून आपले नशीब आजमावतील. अभिनेता असलेल्या उदयानिधीची ही पहिलीच निवडणूक असणार आहे.
माजी मंत्र्यांना पुन्हा तिकीट..
स्टॅलिन यांनी आज आपल्या १७३ उमेदवारांची यादी जाहीर केली. यांमध्ये बऱ्याच विद्यमान आमदारांचाही समावेश आहे. दुराई मुरुगन, के. एन. नेहरू, के. पोंमुडी आणि एमआरके पनीरसेल्वम या सर्व माजी मंत्र्यांनाही यावेळी तिकीट मिळाले आहे.
