विल्लुपुरम: तामिळनाडूच्या विल्लुपुरम जिल्ह्यातील विक्रवंडीच्या शेजारी असलेल्या कोटियाबुंदी गावात 10 हून अधिक दलित कुटुंबे आणि 500 हून अधिक उच्चवर्गीय लोक राहतात. दलितांसाठी कायमस्वरूपी स्मशानभूमी नाही. त्यामुळे मृतदेहांवर तलाव, ओढे किंवा तलावाच्या काठावर अंत्यसंस्कार केले जातात. दलित लोकांनी जिल्हाधिकार्‍यांकडे अनेकवेळा तक्रारी केल्या मात्र कोणतीही सुनावणी झाली नाही.
उच्चवर्णियांनी केला विरोध : कोटियाबुंदी गावातील सत्यनारायणन यांची पत्नी अमुथा हिचा १८ मे रोजी रात्री मृत्यू झाला. दुसऱ्या दिवशी विल्लुपुरमच्या महसूल अधिकाऱ्यांनी त्यांचा मृतदेह दफन करण्यासाठी जागा निवडली आणि मृतदेह दफन करण्यास परवानगी दिली. उच्चवर्गीय लोकांनी याला विरोध केल्याचे सांगितले ( Denial of burial place tamilnadu ) जाते. यानंतर दलित लोकांनी मृतदेह घेऊन निषेध केला. त्यांच्यासाठी कायमस्वरूपी स्मशानभूमी उभारण्यात यावी, अशी मागणी करण्यात आली. महसूल अधिकार्‍यांच्या उपस्थितीत दोन दिवस दोन्ही बाजूंची चर्चा सुरू होती.
पोलीस बंदोबस्त झाले अंत्यसंस्कार : यानंतर २६ मे रोजी शांतता बैठक घेण्याचे ठरले. दरम्यान, महिलेच्या मृतदेहावर त्याच भागात रस्त्याच्या कडेला अंत्यसंस्कार करण्याचे ठरले. त्यानंतर कडक पोलीस बंदोबस्तात त्यांच्या पार्थिवावर अंत्यसंस्कार करण्यात ( Dalit womans body cremated on the roadside tamilnadu ) आले. या घटनेनंतर घटनास्थळी मोठ्या प्रमाणात पोलीस बंदोबस्त तैनात करण्यात आला आहे.
