नवी दिल्ली - दिल्ली हाईकोर्टाने अभिनेता सुशांत सिंह राजपूतच्या जीवनावर चित्रपट किंवा डॉक्युमेंट्री बनविण्यावर बंदी घालण्याची मागणी फेटाळण्यात आली आहे. ही याचिका सुशांतचे वडील कृष्ण किशोर सिंह यांनी केली होती. सर्व पक्षांचे युक्तिवाद ऐकून कोर्टाने 2 जून रोजी या प्रकरणात निर्णय राखून ठेवला होता. जस्टिस संजीव नरुला यांनी हा निर्णय दिला.
चित्रपटाचा सुशांतच्या जीवनाशी संबंध नाही -
सुनावणी दरम्यान, शशांक चित्रपटाच्या निर्मात्यांकडून वकील एपी सिंह यांनी पक्ष मांडला. ते म्हणाले, चित्रपटाचा सुशांत सिंह राजपूतच्या जीवनाशी काहीच संबंध नाही. 22 एप्रिल रोजी शशांक चित्रपटाच्या निर्मात्यांनी कोर्टात जबाब नोंदवला. तसेच त्यांनी म्हटलं होतं की दिल्ली न्यायालयाला या याचिकेवर सुनावणी अधिकार नाही. एपी सिंह म्हणाले, की चित्रपटाचं नाव आणि त्यातील पात्रांची नाव सुशांतच्या कुटुंबीयांच्या नावाशी मिळती-जुळती नाही. तसेच सुशांतच्या मृत्यू प्रकरणाचा तपास आणि घटनाक्रम मुंबईत असल्याने दिल्ली न्यायालयाला या याचिकेवर सुनावणी करण्याचा अधिकार नाही.
या 20 एप्रिल रोजी हाईकोर्टाने सुशांत सिंह राजपूतच्या वडिलांनी दाखल केलेल्या याचिकेवर सुनावणी करताना म्हटलं की, फिल्म निर्मात्या सरला ए सरावगी यांना नोटीस पाठवण्यात आली होती. सुनावणी दरम्यान याचिकाकर्त्यांकडून वकील विकास सिंह यांनी पक्ष मांडला. यावेळी ते म्हणाले, की सुशांत सिंह राजपूतच्या जीवनावर काही लोक चित्रपटाची निर्मिती करत आहेत. आणि हे करताना ते सुशांतच्या कुटुंबीयांच्या प्रतिमेचा विचार न करता नाव कमवण्याचा प्रयत्न करत आहेत.
अनेक चित्रपट आणि बायोपिकची निर्मिती -
याचिकेत म्हटलंय की, "न्याय", "द जस्टिस", "सुसाइड या मर्डर- ए स्टार वॉज लॉस्ट" आणि " शशांक" या नावाने सुशांतच्या जीवनावर बायोपिक आणि डॉक्यूमेंट्री बनवली जात आहे. तसेच सुशांतच्या जीवनातील अनेक घटनांच्या आधारे चित्रपट, वेब सीरीज बनवली जाऊ शकते. असं झाल्यास यामुळे त्याच्या कुटुंबाच्या गोपनीयतेच्या अधिकाराचे उल्लंघन होईल.
नुकसान भरपाई केली होती मागणी -
याचिकेत म्हटलंय की, कोणत्याही सेलिब्रिटीला त्याचं वैयक्तिक आयुष्य जगण्याचा अधिकार आहे. तसेच सुशांत सिंह राजपूतच्या वडिलांनी म्हटलं होतं, की सुशांतचे सर्व फोटो आणि इतर घटनांवर त्यांच्या कुटुंबीयांचा कॉपीराईट आहे. चित्रपट किंवा वेब सीरीज निर्माते कॉपीराइटचे उल्लंघन करतील. याचिकेत सुशांत सिंह राजपूतच्या वडिलांनी चित्रपट किंवा डॉक्युमेंट्री बनवणाऱ्या लोकांकडून 2 कोटीपेक्षा जास्त रुपयांची नुकसानभरपाई मागितली होती.
