Sukesh Chandrasekhar Cries : जेलमध्ये ढसाढसा रडला आरोपी.. व्हिडिओ आला बाहेर, बराकीतून जप्त केले दीड लाख

महाठग सुकेश चंद्रशेखर तुरुंगात रडतानाचा व्हिडिओ समोर आला आहे. यासोबतच कारागृहातील शोध मोहिमेदरम्यान त्याच्या बॅरेकमधून दीड लाख रुपयांसह इतर अनेक वस्तू जप्त करण्यात आल्याचेही समोर आले आहे.

नवी दिल्ली : गँगस्टर सुकेश चंद्रशेखरचा रडत असतानाचा व्हिडिओ समोर आला आहे. मंडोली कारागृहात बंद असलेला सुकेश रंजन हा जेलर दीपक शर्मा आणि जयसिंग यांच्यासमोर सुकेश ढसाढसा रडला. त्याचे सीसीटीव्ही फुटेज समोर आले असून, त्यात तो रडताना दिसत आहे. सुकेश हर्ष विहार परिसरातील मंडोली कारागृहात बंद आहे. कारागृहात शोधमोहीम राबविण्यात आल्याचे सांगण्यात आले. यावेळी सुकेशच्या बॅरेकमध्ये झडती घेतली असता बराकीमधून दीड लाख रुपये, महागडी चप्पल आणि 80 हजार रुपये किमतीच्या दोन जीन्स सापडल्या.

सामान जप्त करताना ठग रडला: समोर आलेल्या व्हिडिओमध्ये महाठग असलेला सुकेश रडताना दिसत आहे. यादरम्यान तो वारंवार डोळे पुसतानाही दिसतो. गेल्या काही महिन्यांपासून सुकेश चंद्रशेखर केवळ कलाकारच नाही तर अनेक राजकारण्यांनाही आपल्या पत्रांच्या माध्यमातून टार्गेट करत आहेत. याप्रकरणी जॅकलिन फर्नांडिस आणि नोरा फतेही यांसारख्या अभिनेत्रींची चौकशी सुरू आहे. याच प्रकरणात सुकेश जेलमध्ये आहे.

केजरीवालांवर केले आहेत आरोप: महापालिका निवडणुकीपूर्वी तुरुंगात असलेल्या सुकेश चंद्रशेखर याने दिल्लीचे मुख्यमंत्री अरविंद केजरीवाल आणि उपमुख्यमंत्री मनीष सिसोदिया यांच्यासह दिल्ली सरकारचे मंत्री यांच्यावर गंभीर आरोप करत सुमारे डझनभर पत्रे लिहिली होती आणि उपराज्यपाल आणि माध्यमांना अनेक पत्रे दिली होती. सत्येंद्र जैन हा तिहार तुरुंगात अटकेत आहे. यापूर्वी सुकेश चंद्रशेखरला पटियाला हाऊस कोर्टाने अंमलबजावणी संचालनालयाच्या 9 दिवसांच्या कोठडीवर पाठवले होते. ईडीने सुकेश चंद्रशेखरच्या १४ दिवसांच्या कोठडीची मागणी केली होती.

२०० कोटींच्या फसवणुकीचेही आहे प्रकरण: 200 कोटींच्या फसवणुकीच्या प्रकरणात सुकेश चंद्रशेखर याच्या अडचणी वाढतच जात आहे. सुकेश चंद्रशेखरला ईडीने नुकतेच आणखी एका फसवणुकीच्या प्रकरणात अटक केली आहे. त्याच्या अटकेनंतर, चंदशेखरला पटियाला हाऊस कोर्टात हजर करण्यात आले होते. त्यावेळी विशेष न्यायाधीश शैलेंद्र मलिक यांनी सुकेशला 9 दिवसांच्या अंमलबजावणी संचालनालयाच्या कोठडीत पाठवले आहे. अंमलबजावणी संचालनालयाने त्याची 14 दिवसांची कोठडी मागितली होती.

आम आदमीला दिले पैसे: सुकेश चंद्रशेखर याने तुरुंगात असतानाही राजकीय पक्षांशी संपर्क ठेवला होता. यादरम्यान त्याने आम आदमी पक्षाच्या नेत्यांवर पैसे घेतल्याचा आरोप करणारी अनेक पत्रे लिहिली आहेत. सुकेश याने आम आदमी पार्टीला 60 कोटी रुपयांची देणगी दिल्याचेही सांगितले आहे.