नवी दिल्ली - ओमायक्रॉनमुळे तिसरी लाट येण्याची धास्ती असताना दिलासादायक बातमी आहे. भारत बायोटकची कोव्हॅक्सिन ही कोरोना लस १२ ते १८ वर्षे वयोगटातील मुलांना देण्याकरिता डीसीजीआयने मान्यता ( DCGI approves Covaxin for children ) दिली आहे. त्यामुळे या वयोगटातील मुलांच्या लसीकरणाचा मार्ग मोकळा होणार आहे.
सुत्राच्या माहितीनुसार १२ ते १८ वर्षे वयोगटातील मुलांना कोव्हॅक्सिन देण्याकरिता डीसीजीआयने भारत बायोटकेला ( 12 to 18 years vaccination in India ) परवानगी दिली आहे. ही केवळ आपत्कालीन बाब म्हणून मान्यता देण्यात आली आहे. यापूर्वीच भारत बायोटेकने २ ते १८ वर्षे वयोगटातील मुलांवरील कोव्हिक्सिन चाचण्यांची आकडेवारी केंद्रीय औषध गुणवत्ता नियंत्रण संस्थेला ( CDSCO approval to Bharat biotech ) दिली आहे. या आकडेवारीचे सीडीएसीओने पुनरावलोकन केले आहे. तर विषय तज्ज्ञांच्या समितीने ( Subject Experts Committee ) लस देण्याकरिता सकारात्मक शिफारशी केल्याचे भारत बायोटेकने म्हटले आहे.
हेही वाचा-Omicron in Mumbai : मुंबई पालिका कोरोना आणि ओमायक्रॉनला रोखण्यासाठी सज्ज!
15 ते 18 वयोगटातील मुलांना मिळणार लस, पंतप्रधान नरेंद्र मोदींची घोषणा
पंतप्रधान नरेंद्र मोदी यांनी येत्या 3 जानेवारीपासून 15 ते 18 वयोगटातील मुला-मुलींसाठी लसीकरणास सुरूवात करण्याची घोषणा केली आहे. ते आज ( दि. 25 डिसेंबर) देशाच्या जनतेशी संवाद साधत होते. फ्रंटलाईन वर्कर्सना ( Booster Dose for Frontline Workers ) व आरोग्य क्रमचारी ( Booster Dose for Health Workers ) बूस्टर डोस 10 जानेवारीपासून सुरू करणार असल्याचेही पंतप्रधान मोदी ( PM Narendra Modi ) म्हणाले.
हेही वाचा-PM Narendra Modi : 15 ते 18 वयोगटातील मुलांना मिळणार लस, पंतप्रधान नरेंद्र मोदींची घोषणा
दरम्यान, युरोप तसेच युकेमध्ये ओमायक्रॉन व्हेरियंटमुळे ( Omicron In Europe UK ) रुग्णसंख्या दुप्पट वेगाने वाढत आहे. जगातील ११० देशांमध्ये ओमायक्रॉनचा ( Omicron In 110 Countries ) प्रसार झाला आहे.
