नवी दिल्ली Dawood Ibrahim Hospitalized : अंडरवर्ल्ड डॉन दाऊद इब्राहिमला पाकिस्तानमध्ये विष दिल्याची चर्चा आहे. यामुळं दाऊदची प्रकृती चिंताजनक असल्याचं सांगण्यात येत आहे. त्याला रुग्णालयात दाखल करण्यात आलंय. या घटनेला अधिकृत दुजोरा मिळाला नसला तरी, गेल्या काही तासांपासून सोशल मीडियावर अशा प्रकराच्या मोठ्या प्रमाणावर चर्चा सुरु आहेत. यासंदर्भात भारत किंवा पाकिस्तान सरकारकडून कुठल्याही प्रकारची पुष्टी करण्यात आली नाही. मात्र पाकिस्तानातील कराची, इस्लामाबाद आणि रावळपिंडी या तीन महत्वाच्या शहरांमध्ये इंटरनेटसेवा पूर्णपणे बंद करण्यात आलीय.
कराचीमधील रुग्णालयात दाऊदला केलं दाखल : पाकिस्तानच्या सोशल मीडियात अंडरवर्ल्ड डॉन दाऊद इब्राहिमवर विषप्रयोग झाल्याची चर्चा आहे. तसंच दाऊद इब्राहिमला अचानक रुग्णालयात दाखल करण्यात आल्याचा सोशल मीडियात दावा करण्यात आला. विष प्राशन केल्यानंतर त्यांची प्रकृती खालावल्यानं त्याला रुग्णालयात दाखल करण्यात आलंय. त्याची प्रकृती चिंताजनक असल्याचंही बोललं जातंय. मात्र या वृत्ताला अधिकृत दुजोरा मिळालेला नाही. पाकिस्तानमधील महिला पत्रकाराचे ट्विट सोशल मीडियात व्हायरल झाले.
- — Arzoo Kazmi|आरज़ू काज़मी | آرزو کاظمی | 🇵🇰✒️🖋🕊 (@Arzookazmi30) December 17, 2023 " class="align-text-top noRightClick twitterSection" data="
— Arzoo Kazmi|आरज़ू काज़मी | آرزو کاظمی | 🇵🇰✒️🖋🕊 (@Arzookazmi30) December 17, 2023
">— Arzoo Kazmi|आरज़ू काज़मी | آرزو کاظمی | 🇵🇰✒️🖋🕊 (@Arzookazmi30) December 17, 2023
दाऊद इब्राहिम हा मुंबई हल्ल्याचा मास्टरमाईंड : दाऊद इब्राहिम हा 1993 मध्ये मुंबईत झालेल्या बॉम्बस्फोटांमुळं कुप्रसिद्ध झाला होता. भारतानं त्याला मोस्ट वॉन्टेड यादीत ठेवलंय. त्याला फरार घोषित करण्यात आलंय. दाऊदला भारतात आणण्यासाठी अनेक प्रयत्न झाले आहेत. पाकिस्तानातील कराचीमध्ये तो आलिशान जीवन जगत असल्याचा दावाही करण्यात आला. तिथं त्याला सरकारचंही संरक्षण मिळालंय. यापूर्वी पाकिस्ताननं भारताचे दावे फेटाळले आहेत. मुंबईत झालेल्या बॉम्बस्फोटात 250 हून अधिक लोकांना आपला जीव गमवावा लागला होता. तर हजारांहून अधिक जण जखमी झाले होते.
पाकिस्तानात इंटरनेट बंद : दाऊदला पाकिस्तानात विष दिल्याच्या बातम्या आल्यानंतर देशात खळबळ उडालीय. पाकिस्तानात इंटरनेट सर्व्हर डाऊन झाल्याची बातमीही समोर आलीय. पाकिस्तानातील लाहोर, कराची, इस्लामाबाद यांसारख्या देशातील अनेक मोठ्या शहरांमध्येही सर्व्हर डाउन आहेत. याशिवाय एक्स (पुर्वीचं ट्विटर), फेसबुक, इन्स्टाग्राम देखील चालत नसल्याचा दावा केलाय.
हेही वाचा :
