नवी दिल्ली - महाराष्ट्रातील महाविकास आघाडी सरकार पाय उतार झाले. त्यानंतर एकनाथ शिंदे यांनी मुख्यमंत्री आणि देवेंद्र फडणवीस यांनी उपमुख्यमंत्रीपदाची शपथ घेतली. त्यानंतर आता पहिल्यांदाच एकनाथ शिंदे आणि देवेंद्र फडणवीस दिल्ली दौऱ्यावर आहेत. आज ( 9 जुलै ) दुपारी 5 वाजल्याच्या सुमारास त्यांनी पंतप्रधान नरेंद्र मोदी यांची भेट ( CM Eknath Shinde Meet PM Modi In Delhi ) घेतली. यावेळी मुख्यमंत्री शिंदे यांनी पंतप्रधान मोदी यांनी श्री विठ्ठल-रुक्मिणीची मुर्ती भेट दिली आहे. या भेटीनंतर केंद्राच्या भक्कम पाठिंब्याने महाराष्ट्राचा विकास साधणार असल्याची प्रतिक्रिया मुख्यमंत्री शिंदे यांनी दिली आहे.
"हे सरकार राज्यातील सर्व घटकांच्या हिताची" - पंतप्रधान नरेंद्र मोदी यांच्या भेटीनंतर मुख्यमंत्री शिंदे यांनी प्रसारमाध्यमांशी संवाद साधला. ते म्हणाले की, राज्याच्या प्रगतीत केंद्र शासनाच्या सहकार्याची महत्वाची भूमिका असून केंद्राच्या भक्कम पाठिंब्याने महाराष्ट्राचा सर्वतोपरी विकास साधणार आहे. सर्वसामान्य जनता, शेतकरी व समाजाच्या सर्व घटकांच्या विकासासाठी आम्ही सरकार स्थापन केले आहे. हे सरकार राज्यातील सर्व घटकांच्या हितांची जपणूक करण्यासाठी कार्यरत राहील. यासाठी केंद्रशासनाच्या सहकार्याची आवश्यकता आहे.
-
Today,together with my colleague DyCM @Dev_Fadnavis met Prime Minister of India Hon.Shri @narendramodi जी to seek his Blessings for Maharashtra's Progress and Thanked him for his Untiring Support.#hindutvawarriors pic.twitter.com/dbMWDQailY
— Eknath Shinde - एकनाथ शिंदे (@mieknathshinde) July 9, 2022 " class="align-text-top noRightClick twitterSection" data="
">Today,together with my colleague DyCM @Dev_Fadnavis met Prime Minister of India Hon.Shri @narendramodi जी to seek his Blessings for Maharashtra's Progress and Thanked him for his Untiring Support.#hindutvawarriors pic.twitter.com/dbMWDQailY
— Eknath Shinde - एकनाथ शिंदे (@mieknathshinde) July 9, 2022Today,together with my colleague DyCM @Dev_Fadnavis met Prime Minister of India Hon.Shri @narendramodi जी to seek his Blessings for Maharashtra's Progress and Thanked him for his Untiring Support.#hindutvawarriors pic.twitter.com/dbMWDQailY
— Eknath Shinde - एकनाथ शिंदे (@mieknathshinde) July 9, 2022
"राज्याला प्रगतीपथावर घेऊन जाण्यासाठी..." - त्यामुळे सरकार स्थापनेनंतर शिष्टाचाराप्रमाणे राष्ट्रपती, प्रधानमंत्री व केंद्रीय मंत्र्यांच्या सदिच्छा भेटी घेण्यासाठी उपमुख्यमंत्र्यासह दिल्लीत आलो. प्रधानमंत्री मोदी यांचे महाराष्ट्राच्या विकासाबाबतचा दृष्टीकोन समजून घेऊन केंद्राच्या सहकार्याने राज्याला प्रगतीपथावर घेऊन जाण्यासाठी राज्य सरकार प्रयत्नशील राहील, असा विश्वास मुख्यमंत्री शिंदे यांनी व्यक्त केला.
आषाढीनंतर मंत्रिमंडळ विस्तार - मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी पंतप्रधानांच्या भेटीपूर्वी राष्ट्रपती रामनाथ कोविंद यांच्यासह गृहमंत्री अमित शहा, संरक्षणमंत्री राजनाथसिंह यांची भेट घेतली. दरम्यान, गृहमंत्री शहा यांच्यासोबत झालेल्या बैठकीत नव्या सरकारच्या मंत्रिमंडळ विस्ताराबात चर्चा झाल्याची माहिती मिळत आहे. आषाढी एकदशीनंतर यासंदर्भात तुम्हाला माहिती मिळेल, असे मुख्यमंत्री शिंदे यांनी माध्यमांना बोलताना सांगितले.
हेही वाचा - Maharashtra Cabinet Expansion : नव्या सरकारमध्ये शिंदे गट, भाजपच्या पदरात कोणती खाती?, वाचा सविस्तर वृत्तांत
