CISCE Board Result 2023 : सीआयएससीई 10 वी आणि 12 वीचा आज निकाल, येथे चेक करा तुमचा निकाल

आयसीएसई दहावीची परीक्षा ही 27 फेब्रुवारी 2023 ला झाली होती. तर 12वी आयएससीची परीक्षा ही 13 फेब्रुवारी रोजी सुरू झाली होती. या परीक्षेचा निकाल आज लागणार आहे. विद्यार्थी आपला निकाल Careers पोर्टलवरुन डाऊनलोड करू शकतात.

ICSE and ISC Exam Result 2023 : आज दुपारी तीन वाजता कौन्सिल फॉर द इंडियन स्कूल सर्टिफिकेट एक्झामिनेशन्स, (सीआयसीएसई) (CICSE) या केंद्रीय मंडळाच्या आयसीएसई (दहावी) (ICSE)आणि आयएससी (बारावी) (ISC) च्या परीक्षेचा निकाल जाहीर केला जाणार आहे. हा निकाल बोर्डाच्या cisce.org आणि results.cisce.org या संकेतस्थळावर जारी केला जाईल. आयसीएसई दहावीची परीक्षा ही 27 फेब्रुवारी 2023 ला झाली होती. तर 29 मार्चपर्यंत दहावीचे पेपर चालू होते. तसेच 12 वी आयएससीची परीक्षा ही 13 फेब्रुवारी रोजी सुरू झाली होती आणि 31 मार्च रोजी ही परीक्षा संपली होती. यावर्षी 10 वी आणि 12 वीसाठी साधारण 2.5 लाख उमेदवारांनी सीआयएससीईची परीक्षा दिली.

कधी जाहीर होणार निकाल : कौन्सिल फॉर द इंडियन स्कूल सर्टिफिकेट एक्झामिनेशन (CISCE) आज दुपारी 3 वाजता 10वी आणि 12वीचे निकाल जाहीर करेल. विद्यार्थी त्यांचा निकाल अधिकृत वेबसाइट cisce.org, SMS आणि DigiLocker द्वारे पाहू शकतात. निकाल तपासण्यासाठी, विद्यार्थ्यांनी त्यांचे प्रवेशपत्र त्यांच्याकडे ठेवावे कारण प्रवेशपत्रावर दिलेल्या तपशिलांवरूनच तुम्ही तुमचा निकाल पाहू शकाल.

कुठे पाहणार निकाल : निकाल जाहीर झाल्यानंतर विद्यार्थी आपला निकाल अधिकृत वेबसाइटवरुन डाऊनलोड करू शकतील. अधिकृत वेबसाइटशिवाय विद्यार्थी आपला सीआयसीएसईचा निकाल डिजीलॉकरमध्येही पाहू शकतील. विद्यार्थी अधिकृत संकेतस्थळाशिवाय डिजीलॉकरमधून निकाल मिळवू शकतात. विद्यार्थी येथून आपले मार्कशीट म्हणजेच गुणपत्रक आणि प्रमाणपत्र (सर्टिफिकेट) डाऊनलोड करू शकतात. ज्या विद्यार्थ्यांकडे डिजीलॉकर हे अॅप्लीकेशन नाही त्यांनी हे अॅप्लीकेशन प्लेस्टोअरमधून डाऊनलोड करून घ्यावे. किंवा digilocker.gov.in या वेबसाईटवर जाऊन तुम्ही निकाल पाहू शकतात. निकाल पाहण्यासाठी विद्यार्थ्यांनी आपला ओळख क्रमांक म्हणजे (युआयडी) आणि इंडेक्स नंबर सारख्या तपशीलासह लॉग इन करा.

शाळेतून कसा डाऊनलोड कराल मार्कशीट : स्कूल काउंसिलच्या करिअर पोर्टलवर प्रिंसिपलची आयडी आणि पासवर्डच्या मार्फत लॉग इन करा. त्यानंतर विद्यार्थी आपले गुण तपासून शकतात आणि मार्कशीट डाऊनलोड करू शकतात. निकालाची घोषणा झाल्यानंतर सीआयएससीई, आयएससी, आयसीएसई कंपार्टमेंट परीक्षा नोंदणीसाठी अर्जाची विंडो ओपन होईल. दरम्यान सीआयएससीई कंपार्टमेंट परीक्षा जून 2023 मध्ये घेईल. त्याचा निकाल हा जुलै 2023मध्ये जारी केला जाईल.

कसा पाहणार तुमचा निकाल :

• जर तुम्ही Careers पोर्टलवर निकाल पाहत असाल तर ही स्टेप फॉलो करा.
• करिअर्स पोर्टलवर लॉग इन करा. त्यानंतर Examination या टायटलवर क्लिक करा.
• मुख्य मेन्यू बारवर आयसीएसई दहावी वर्ष 2023 परीक्षेचे निकाल पाहण्यासाठी आयसीएसईवर क्लिक करा. आयएससी बारावी वर्ष 2023 चा निकाल पाहायचा असेल तर आयएससीवर क्लिक करा.
• आयसीएसई किंवा आयएससी मेन्यूमधून Reports वर क्लिक करा.
• शाळेच्या निकालाची प्रिंट आउट घेण्यासाठी Result Tabulation वर क्लिक करा.
• निकालाची प्रिंट हवी असल्यास Comparison table वर क्लिक करा.
• जर तुम्हा निकाल पाहण्यात काही अडचण समस्या येत असेल तर शाळेच्या helpdeskttZcisce.ora येथे CISCE हेल्प डेस्कशी संपर्क साधू शकता. किंवा 1800-203-2414 वर कॉल करू शकतात.

60 दिवसाच्या आत रे-चेकिंगसाठी करा अर्ज : विद्यार्थ्यांनी आयसीएसई, आयएससी निकाल 2023 जाहीर झाल्यानंतर त्यापासून सात दिवसाच्या आत सीआयएससीईच्या अधिकृत वेबसाइटवर रे-चेकिंगसाठी अर्ज करू शकतात. दरम्यान सीआयएससीई निकाल झाल्यानंतर विद्यार्थाचा निकाल आपल्याकडे 60 दिवस ठेवत असते नंतर ते नष्ट केली जातात.

हेही वाचा -