नवी दिल्ली - लोक जनशक्ति पार्टी (LJP) अध्यक्ष चिराग पासवान यांना रालोआच्या बैठकीसाठी अन्य नेत्यांसोबत बैठकीसाठी आमंत्रित करण्यात आले आहे. मात्र प्रकृती बरी नसल्याने चिराग पासवान एनडीएच्या बैठकीसाठी उपस्थित राहू शकणार नाहीत. लोजपा सुत्रांकडून ही माहिती देण्यात आली.
संसदेत सादर होणाऱ्या अर्थसंकल्पावर चर्चा करण्यासाठी एनडीए नेत्यांची बैठक बोलाविण्यात आली आहे. एनडीएचा घटक पक्ष असल्याने चिराग पासवान यांनाही बैठकीसाठी निमंत्रित करण्यात आले होते. मात्र प्रकृतीच्या कारणास्तव ते बैठकीला उपस्थित राहू शकणार नाही. अर्थसंकल्प सादर होण्यापूर्वी एनडीए नेत्यांची ही महत्वपूर्ण बैठक आहे.
चिराग पासवान पंतप्रधान नरेंद्र मोदींचे कट्टर समर्थक राहिले आहेत. मात्र बिहार निवडणुकीनंतर एलजीपी अध्यक्ष चिराग पासवान यांचे एनडीएसोबतचे संबंध इतके चांगले राहिले नाहीत. बिहार निवडणुकीत चिराग यांनी पंतप्रधान मोदींसह इतर एनडीए नेत्यांचे कौतुक केले मात्र एनडीएचे मुख्यमंत्रीपदाचे उमेदवार नितीश कुमार यांच्यावर प्रचार सभांमधून जोरदार निशाणा साधला.
नितीशमुळे चिराग NDA पासून दूर ?
जेडीयू नेत्यांच्या आरोप आहे की, एलजेपीमुळे विधानसभा निवडणुकीत जेडीयूच्या जागा कमी झाल्या. बिहार विधानसभेत चिराग पासवान यांची पार्टी एलजेपीने एनडीएतून विभक्त होऊन निवडणुक लढली होती.
