बंगळुरू : भारतीय अंतराळ संशोधन संस्था अर्थात इस्रोनं चंद्रयान 3 चंद्राच्या अगदी जवळ पोहोचल्याचं स्पष्ट केलं आहे. त्यासह इस्रोनं चंद्रयान 3 मिशनच्या 'लँडर मॉड्यूल'ची कक्षी कमी करुन ते चंद्राच्या आणखी जवळ आणलं. त्यामुळे इस्रोनं अंतिम 'डिबुस्टींग' यशस्वी झाल्याचं स्पष्ट केलं. चंद्रयान 3 हे 23 ऑगस्टच्या सायंकाळी चंद्राच्या पृष्ठभागावर उरण्याची शक्यता आहे.
इस्रोनं चंद्रयान 3 मॉड्यूलची कक्षा केली कमी : चंद्रयान 3 चंद्राच्या जवळ आणले गेले आहे. त्यामुळे 'लँडर मॉड्यूल'ची कक्षा कमी करण्यात आली आहे. ही कक्षी 25KM x 134Km पर्यंत यशस्वीपणे करण्यात आली आहे. इस्रोनं ठरवून दिलेल्या लँडींग साईटवर 23 ऑगस्टच्या 17.45 च्या सुमारास चंद्रयान 3 हे चंद्राच्या पृष्ठभागावर लँड करण्यात येईल, अशी माहिती इस्रोनं दिली आहे.
दक्षिण ध्रुवीय प्रदेशात होणार सॉफ्ट लँडिंग : इस्रोनं गुरुवारी चंद्रयान 3 लँडर मॉड्यूल प्रोरल्शन मॉड्यूलपासून वेगळं झालं आहे. 14 जुलैला मिशन लाँच झाल्यानंतर 35 दिवसांनी प्रपोलशन मॉड्यूलपासून वेगळं झाल्यानंतर लँडर मॉड्यूलचं डिबूस्टींग करण्यात आलं. आता लँडरचं सॉफ्ट लँडींग करण्यासाठी इस्रोचं पथक कामाला लागलं आहे. पेरिल्युन हा चंद्राच्या सगळ्यात जवळचा बिंदू असून तो 30 किमी तर अपोलून हा सगळ्यात दूरचा बिंदू असून तो 100 किमी अंतर आहे. त्यामुळे चंद्राच्या दक्षिण ध्रुवीय प्रदेशात सॉफ्ट लँडिंग करण्याची योजना इस्रोनं आखली आहे.
लँडर करणार चंद्राचा पृष्ठभाग स्कॅन : चंद्रयान 3 चंद्राच्या पृष्ठभागावर उतरण्यास सज्ज झालं आहे. त्यामुळे देशातील नागरिकांना चंद्रयान 3 च्या चंद्रावर उतरण्याची उत्सुकता लागली आहे. चंद्रयान 3 चं लँडर चंद्राच्या 30 किमी उंचीवर पॉवर्ड ब्रेकींग टप्प्यात प्रवेश करतो. त्यानंतर चंद्राच्या पृष्ठभागावर पोहोचण्यासाठी त्याचे थ्रस्टर वापरण्यास सुरुवात करतो. लँडर 100 मीटर उंचीवर असतानाच चंद्राचा पृष्ठभाग स्कॅन करेल. चंद्रावर उतरण्यास काही अडथळे आहेत, की नाही याची तपासणी करेल. त्यानंतरच सॉफ्ट लँडींगसाठी खाली उतरेल असं इस्रोच्या वतीनं स्पष्ट करण्यात आलं आहे. चंद्रयान 3 नं 14 जुलैला अवकाशात झेप घेतली होती. त्यानंतर चंद्रयान 3 नं 5 ऑगस्टला चंद्राच्या कक्षेत प्रवेश केला होता. इस्रोनं 6,9, 15 आणि 16 ऑगस्टला लँडरच्या कक्षा कमी केल्या होत्या.
हेही वाचा -
Chandrayaan-3 : चांद्रयान-३ चंद्राच्या अगदी जवळ; 23 ऑगस्टला करणार लँडिंग
