एटा ( उत्तरप्रदेश ) : उत्तर प्रदेशातील एटा जिल्ह्यात लग्नसमारंभामध्ये गोळीबार करण्यात आला. त्यामुळे लग्नसोहळ्यावर शोककळा पसरली. यात गोळी लागल्याने वधूच्या मोठ्या बहिणीचा मृत्यू ( Bride Sister Shot Dead ) झाला. त्याचवेळी 2 जण जखमी झाले. ज्यांना वैद्यकीय महाविद्यालयात उपचारासाठी दाखल करण्यात आले आहे. ही घटना जशरथपूर पोलीस स्टेशन हद्दीतील फरदपुरा गावातील आहे.
जिल्ह्यातील जसरथपूर पोलीस ठाण्याच्या हद्दीतील फरदपुरा गावात शनिवारी सकाळी लग्नसमारंभाच्या वेळी रंग लावण्यावरून विवाहितेमध्ये वाद झाला. प्रकरण इतके वाढले की, मारहाणीसोबतच गोळीबारही सुरू झाला. ज्यात गोळी लागल्याने वधूच्या बहिणीचा मृत्यू झाला. त्याचवेळी 2 जण जखमी झाले. या घटनेनंतर वधूचा लग्न फिसकटले. वाद इतका वाढला की, गावात पोलीस बंदोबस्त तैनात करण्यात आला. लग्नघरात शोककळा पसरली होती. गावात तणावाचे वातावरण होते.
मिळालेल्या माहितीनुसार, फरदपुरा गावात राहणाऱ्या राधेश्यामने आपली मुलगी ललिता हिचे लग्न फरुखाबादच्या फतेहगढ पोलीस ठाण्याच्या मेहरुपूर गावात राहणाऱ्या राजकुमारसोबत ठरवले होते. शुक्रवारी वर पक्षाने राजकुमारची मिरवणूक काढली. मोठ्या थाटामाटात मिरवणूक काढण्यात आली. वधूपक्षाने लग्नाच्या मिरवणुकीची खूप काळजी घेतली. मध्यरात्री लग्नाचे इतर विधीही मोठ्या थाटामाटात पार पडले. शनिवारी सकाळी कन्यादान सोहळा सुरू असताना यादरम्यान गावातील लोकांनी लग्नाच्या मिरवणुकीत रंग लावला. यावरून दोन्ही पक्षांमध्ये वाद झाला. प्रकरण इतके वाढले की, मारामारीसोबतच दोन्ही बाजूंनी गोळीबार सुरू झाला, ज्यात गोळी लागल्याने वधूची बहीण सुधा हिचा मृत्यू झाला.
एसएसपी उदय शंकर सिंह ( SSP Uday Shankar Singh ) यांनी सांगितले की, मेहंदीच्या लग्न समारंभात नवरा- नवरीच्या नातेवाईकांमध्ये वाद झाला. ज्यामध्ये मारहाण आणि गोळीबार झाला. यादरम्यान गोळी लागल्याने सुधा या महिलेचा जागीच मृत्यू झाला. दोन जण जखमी झाले असून, त्यांना वैद्यकीय महाविद्यालयात दाखल करण्यात आले आहे. सध्या या प्रकरणाचा तपास सुरू आहे.
