अनेक वेळा असे दिसून येते की, जेव्हा लोकांना अचानक पैशांची गरज भासते तेव्हा त्यांची मुदत ठेव (FD) (Breaking Fd Before Time) मोडतात. पण असे केल्याने तुम्हाला नुकसान सहन करावे लागू (A Profitable Deal Or Not) शकते. कारण जर तुम्ही मुदतपूर्तीपूर्वी एफडी (Fixed Deposit) तोडली, तर तुम्हाला कमी व्याज मिळेल आणि तुम्हाला दंडही भरावा लागेल. मुदतपूर्तीपूर्वी एफडी तोडण्याचे तोटे जाणून घ्या आणि एफडीवर कर्जाची सुविधा उपलब्ध आहे.
समजा तुम्ही एका वर्षासाठी 6 टक्के दराने 1 लाख रुपयांची एफडी केली आहे, परंतु तुम्ही ती फक्त 6 महिन्यांनंतर खंडित केली, तर बँक तुम्हाला 6 टक्के दराने नव्हे तर, 5 टक्के दराने व्याज देईल. देशातील सर्वात मोठी बँक एसबीआयच्या नियमांनुसार, जर एखाद्या व्यक्तीने 5 लाख रुपयांपर्यंतची एफडी घेतली आणि ती मुदतपूर्तीपूर्वी तोडली तर, त्याला 0.50 टक्के दंड भरावा लागेल. त्याचप्रमाणे 5 लाखांपेक्षा जास्त आणि एक कोटीपेक्षा कमी रकमेच्या एफडीवर मुदतपूर्व ब्रेकवर 1 टक्के दंड भरावा लागेल.
समजा तुम्हाला 1 लाख रुपयांची एफडी मिळाली आणि तुम्हाला 6 टक्के व्याज मिळत आहे. परंतु जर तुम्ही ती वेळ पूर्ण होण्याआधी खंडित केली, तर तुम्हाला 6 टक्के नव्हे तर 5 टक्के (वेगवेगळ्या बँकेचे वेगवेगळे दर) दराने व्याज मिळेल. म्हणजे तुम्हाला एक लाखाचे पाच हजार व्याज मिळेल. पण तुमच्या मूळ रकमेतून 0.5 टक्के दंड वजा केला जाईल. एकूण तुम्हाला 1,04,500 रुपये मिळतील. एफडी तोडल्यावर, तुमच्या मूळ एफडीच्या रकमेनुसार दंड आकारून तुमचे पैसे दिले जातात. पण जर तुम्ही ते वेळेपूर्वी एफडी तोडली नसती तर, तुम्हाला एक लाख सहा हजार रुपये मिळाले असते. म्हणजेच, हे आकडे दर्शवतात की, एफडी वेळेपूर्वी खंडित झाल्यास एकूण 1500 रुपयांचे नुकसान होऊ शकते.
त्याच वेळी, तुम्ही एफडी च्या मूल्याच्या 90 टक्के पर्यंत कर्ज देखील घेऊ शकता. समजा तुमच्या एफडी ची किंमत एक लाख रुपये असेल तर तुम्हाला 90 हजार रुपयांचे कर्ज मिळू शकते. तुम्ही एफडी वर कर्ज घेतल्यास, तुम्हाला मुदत ठेवीवर मिळणाऱ्या व्याजापेक्षा 1 ते 2 टक्के जास्त व्याज कर्ज द्यावे लागेल. जर तुम्हाला तुमच्या एफडी वर 4 टक्के व्याज मिळत असेल तर, तुम्हाला 5 ते 6 टक्के व्याजदराने कर्ज मिळू शकते.
