बिकानेर Five Members of Family Dies by Suicide : राजस्थानमधील बिकानेर जिल्ह्यातील मुक्ता प्रसाद पोलीस ठाण्याच्या हद्दीत एकाच कुटुंबातील पाच जणांनी आत्महत्या केल्याची घटना समोर आलीय. या घटनेची माहिती मिळताच एसपी तेजस्विनी गौतम यांच्यासह स्थानिक पोलीस घटनास्थळी पोहोचले आहेत. तसंच एफएसएल टीमलाही तपासासाठी घटनास्थळी पाचारण करण्यात आलंय. आयजी ओम प्रकाश यांनी सांगितले की, प्रथमदर्शनी कुटुंबातील लोकांनी आत्महत्या केली आहे. सध्या विशेष पथक घटनास्थळी पुरावे गोळा करत आहे.
एकाच कुटुंबातील पाच जणांनी केली आत्महत्या : ही घटना मुक्ता प्रसाद पोलीस ठाण्याच्या हद्दीतील अंत्योदय नगरमध्ये घडली आहे. हे कुटुंब बस्ती परिसरात राहत होते. या घटनेनंतर संपूर्ण परिसरात हळहळ व्यक्त करण्यात आहे. सीओ सि टी हिमांशू यांनी सांगितलं की, सध्या आत्महत्येचं कारण समोर आलं नाही. पोलीस संपूर्ण प्रकरणाचा तपास करत आहेत. सध्या पोलीस या संपूर्ण प्रकरणाचा तपास करत आहेत. तसंच, सर्व मृतदेह पोलिसांनी ताब्यात घेतले आहेत. या घटनेची माहिती मिळताच एसपी आणि पोलीस अधिकारी घटनास्थळी पोहोचले आहेत.
एका दिवसापूर्वीची घटना घडल्याचा संशय : पोलिसांनी घटनास्थळी पोहोचून पुरावे शोधल्यानंतर ही घटना एक दिवसापूर्वीच घडल्याचं मानलं जातंय. कारण थंडीचा मोसम असल्यानं परिसरात मृतदेहांचा वास येत नव्हता. मात्र, त्यानंतर दुर्गंधी पसरू लागली. एका दिवसापूर्वी घरमालकही आला होता. पण त्यावेळी कोणीही गेट उघडलं नसल्यानं तो निघून गेला. दुसऱ्या दिवशी त्यांनी या घरातील प्रमुखाला फोन केला होता. त्यांनी फोन न उचलल्यानं घरमालक घटनास्थळी पोहोचला. यानंतर ही घटना उघडकीस आली. त्यानंतर माहिती मिळताच पोलीस घटनास्थळी पोहोचले. त्यांनी घराची तपासणी केल्यावर घरात दोन दिवसांपूर्वीची वर्तमानपत्रेही सापडली आहेत.
हेही वाचा :
