कोलकाता (पश्चिम बंगाल) : Big Khela in WB: पश्चिम बंगालमधील भाजप आमदार अग्निमित्र पॉल BJP MLA Agnimitra Paul यांनी सांगितले की, डिसेंबरमध्ये येथे 'खेला' होणार आहे. टीएमसीचे ३० हून अधिक आमदार आमच्या पक्षाच्या संपर्कात आहेत. डिसेंबरनंतर त्यांचे सरकार फार काळ टिकणार नाही हे त्यांना माहीत TMC govt may not survive in December आहे. त्यांचे अस्तित्व धोक्यात आले आहे. यापूर्वी भारतीय जनता पक्षाचे (भाजप) दिग्गज नेते आणि अभिनेते मिथुन चक्रवर्ती यांनी असा दावा केला आहे. असे दावे त्यांनी एकदा नव्हे तर दोनदा केले.
मिथुन चक्रवर्ती यांनी दावा केला होता की, सत्ताधारी तृणमूल काँग्रेसचे (TMC) 21 आमदार भाजपच्या संपर्कात आहेत. 27 जुलै रोजी भाजप कार्यालयात त्यांनी दावा केला होता की 38 टीएमसी आमदार भाजपच्या संपर्कात आहेत, त्यापैकी 21 थेट त्यांच्या संपर्कात आहेत. हेस्टिंग्ज, कोलकाता येथील भाजप कार्यालय मिथुन यांनी दुर्गापूजेपूर्वी पक्षाच्या नेत्यांसोबत संघटनेच्या बैठकीनंतर पत्रकार परिषदेत टीएमसीचे आमदार त्यांच्या संपर्कात असल्याचा दावा केला होता.
अग्निमित्रा पॉल यांनी फॅशन डिझायनिंगच्या क्षेत्रातून राजकारणात प्रवेश केला आहे. त्या पश्चिम बंगाल विधानसभेच्या आसनसोल दक्षिण येथील आमदार आणि भाजप महिला मोर्चाच्या पश्चिम बंगाल युनिटच्या अध्यक्षा आहेत. 2021 च्या विधानसभा निवडणुकीत, अग्निमित्रा पॉल यांना पक्षाने आसनसोल दक्षिण मतदारसंघातून तिकीट दिले होते, जिथे त्या TMC उमेदवार सयानी घोष यांचा पराभव करून आमदार झाल्या होत्या. पश्चिम बंगाल भाजपमध्ये त्या सक्रिय होत्या.
