हैदराबाद - पशुवैद्यकीय महिला डॉक्टरवरील सामूहिक अत्याचाराच्या घटनेनंतर पुन्हा एकदा हैदराबादच्या शांत शहर या प्रतिमेला तडा गेला आहे. सिद्दलगुत्ता रस्त्याजवळ जळालेल्या अवस्थेमध्ये महिलेचा मृतदेह आढळून आला आहे.
शमशाबाद येथे अर्धवट जळालेल्या अवस्थेतील महिलेचा मृतदेह सापडला आहे. स्थानिकांच्या ही बाब लक्षात येताच त्यांनी फोटो काढून पोलिसांना माहिती कळवली. यानंतर संबंधित घटना समोर आल्याची माहिती साहाय्यक पोलीस आयुक्त अशोक कुमार गौड यांनी दिली आहे. पोलीस या घटनेचा पुढील तपास करत असून यानंतर अधिक माहिती समोर येईल.
हेही वाचा- पशुवैद्यकीय डॉक्टर बलात्कार आणि हत्या प्रकरण; ४८ तासांमध्ये आरोपी ताब्यात..
गुरुवारी (दि.28नोव्हेंबर)ला शहरालगतच्या भागात पोलिसांना एका जळालेल्या महिलेचा मृतदेह सापडला होता. चौकशी दरम्यान या महिलेचा सामूहिक बलात्कार झाल्याचे समोर आले होते.
