VIDEO : अन् पुलाखाली अडकले विमान..

मिळालेल्या माहितीनुसार, वापरात नसलेले भारतीय टपालाचे एक विमान सुटे करून ट्रकवरून नेले जात होते. सोमवारी रात्री दुर्गापूरमधील पुलाखालून जात असताना चालकाला पुलाच्या उंचीचा अंदाज आला नाही. त्यामुळे हा ट्रक पुलाखालीच अडकून बसला.

कोलकाता - मंगळवारी सकाळच्या सुमारास पश्चिम बंगालमधील नागरिकांना एक अजब दृश्य पहायला मिळाले. राज्यातील दुर्गापूरमध्ये राष्ट्रीय महामार्ग क्रमांक दोनवरील पुलाखाली चक्क विमान अडकले होते.

मिळालेल्या माहितीनुसार, वापरात नसलेले भारतीय टपालाचे एक विमान सुटे करून ट्रकवरून नेले जात होते. सोमवारी रात्री दुर्गापूरमधील पुलाखालून जात असताना चालकाला पुलाच्या उंचीचा अंदाज आला नाही. त्यामुळे हा ट्रक पुलाखालीच अडकून बसला. विमानाचा मुख्य भागच या ट्रकवर असल्यामुळे, पुलाखाली जणू विमानच अडकले आहे असे पाहणाऱ्यांना वाटत होते. त्यामुळे तिथे बघ्यांची गर्दी जमली होती.

पुलाखाली अडकलेल्या या विमानाचा व्हिडिओ सध्या सोशल मीडियावर चांगलाच व्हायरल होतो आहे.

हेही वाचा : नागरिकत्व कायद्याला विरोध म्हणून विद्यार्थिनीने नाकारले सुवर्णपदक!