- मुंबई - माणुसकीच्या नात्याने मजुरांना मदत करणाऱ्या अभिनेता सोनू सूदवर शिवसेना नेते संजय राऊत यांनी टीका करणे दुर्भाग्यपूर्ण आहे. मुळातच शिवसेनेचे सरकार कोरोनाशी लढण्यास फेल ठरले असून, खरी परिस्थिती पाहता सोनूवर आरोप करून सरकारचे अपयश लपणार नाही, अशी टीका भाजप आमदार राम कदम यांनी केली.
सविस्तर वाचा - सोनू सूदवर आरोप करून खरी परिस्थिती लपणार नाही, राम कदमांची संजय राऊतांवर टीका
- रत्नागिरी - निसर्ग चक्रिवादळामुळे रत्नागिरीसह सिंधुदुर्गमध्येही काही ठिकाणी मोठे नुकसान झाले आहे. रत्नागिरी जिल्ह्यातील दापोली मंडणगडमध्ये या वादळामुळे मोठे नुकसान झाले आहे. दरम्यान शासनाकडून रत्नागिरीसाठी 75 कोटी आणि सिंधुदुर्ग जिल्ह्यासाठी 25 कोटी तत्काळ मदत जाहीर करण्यात आली आहे.
सविस्तर वाचा - निसर्ग वादळ: रत्नागिरीसाठी 75 तर सिंधुदुर्ग जिल्ह्यासाठी 25 कोटींची तत्काळ मदत जाहीर
- राजकोट - काँग्रेसमधून राजीनामा देत भाजपामध्ये जाणाऱ्या आमदारांना लोकांनी चपलांनी मार दिला पाहिजे, असे मत काँग्रेस नेते हार्दिक पटेल यांनी व्यक्त केले आहे. गुजरातमध्ये येऊ घातलेल्या राज्यसभा निवडणुकीच्या पार्श्वभूमीवर काही काँग्रेस नेत्यांनी भाजपामध्ये प्रवेश केला असल्याची माहिती मिळत आहे. या पार्श्वभूमीवर पटेल यांनी असे म्हटले आहे.
सविस्तर वाचा - 'भाजपामध्ये जाणाऱ्या काँग्रेस आमदारांना लोकांनी चपलेने मारावे"
- नवी दिल्ली - राजधानी दिल्लीतील खासगी रुग्णालये दिल्लीकरांसाठी राखवी ठेवण्यात येतील, असा निर्णय अरविंद केजरीवाल यांनी घेतला आहे. त्यावरून दिल्ली प्रदेश काँग्रेस समितीचे अध्यक्ष अनिल चौधरी यांनी केजरीवाल यांच्यावर टीका केली आहे. दिल्लीचा रहिवासी कोण याबाबत स्पष्टीकरण देण्याची मागणी त्यांनी केली आहे.
सविस्तर वाचा - दिल्लीचा रहिवासी कोण हे स्पष्ट करा...काँग्रेसची मागणी
- नवी दिल्ली - राजधानी दिल्लीतील मॉल आणि शॉपिंग सेंटर दोन महिन्यांहून अधिक काळानंतर सोमवारपासून पुन्हा उघडली जात आहेत. कोरोना विषाणूचा धोका लक्षात घेऊन वारंवार निर्जंतुकीकरण, खरेदी दरम्यान गर्दी टाळणे, शारीरिक सुरक्षित अंतर राखण्यावर कटाक्षाने लक्ष केंद्रित करण्यात येणार आहे.
सविस्तर वाचा - अनलॉक 1.0 : राजधानी दिल्लीत सोमवारपासून मॉल्स, शॉपिंग सेंटर सुरू होणार
- लंडन - अमेरिकेत पोलिसांच्या कारवाईत ४६ वर्षीय कृष्णवर्णीय व्यक्ती जॉर्ज फ्लॉयड यांचा मृत्यू झाला होता. या घटनेनंतर अमेरिकेतील अनेक शहरांमध्ये आंदोलने असून काही ठिकाणी हिंसाचार होत आहे. लंडनमध्येही याविरोधात नागरिकांनी आंदोलन केले. आंदोलनावर नियंत्रण मिळवताना गेल्या काही दिवसांमध्ये 23 पोलीस जखमी झाले आहेत, असे पोलीस अधीक्षक जो. एडवर्ड्स यांनी सांगितले.
सविस्तर वाचा - लंडनमधील वंशवाद आंदोलनात आत्तापर्यंत 23 पोलीस जखमी
- ब्राझिलिया - ब्राझील सरकारने कोरोनासंबंधित माहिती आरोग्य मंत्रालयाच्या संकेतस्थळावरून हटवली आहे. ब्राझिलचे अध्यक्ष जेर बोल्सनारो देशात कोरोनाचा उद्रेक रोखण्यात अपयशी ठरल्याचा ठपका ठेवत जगभरातून त्यांच्यावर टीका केली जात आहे. त्यामुळे ही माहिती हटवली गेली असल्याचे बोलले जात आहे.
सविस्तर वाचा - ब्राझिलच्या आरोग्य मंत्रालयाने संकेतस्थळावरून हटवली कोरोनाबाबतची माहिती
- मुंबई - कन्नड सिनेसृष्टीतील प्रसिद्ध अभिनेता चिरंजीवी सरजा यांचे आज निधन झाले. शनिवारी छातीत दुखत असल्याने तसेच श्वासोच्छवासाच्या समस्येमुळे त्यांना तातडीने रुग्णालयात दाखल करण्यात आले होते. मात्र, उपचारादरम्यान वयाच्या 39 व्या वर्षी त्यांनी अखेरचा श्वास घेतला.
सविस्तर वाचा - अभिनेता चिरंजीवी सरजा यांचे निधन, ३९ व्या वर्षी घेतला अखेरचा श्वास
- मुंबई - चित्रपट निर्माती एकता कपूर सध्या चांगलीच चर्चेत आली आहे. कारण आहे ट्रीपल एक्स वेबसीरिज. या वेबसीरिजमधील एका सीनवर अनेकांनी आक्षेप घेतला आहे. यातून एकताने भारतीय सैनिकांचा अपमान केल्याचे म्हटले जात आहे. एकताला सोशल मीडियावर नेटकऱ्यांनी धारेवर धरले आहे. अशात आता भाजप नेते आंचल अवाना यांनी एकता कपूरविरोधात तक्रार दाखल केली आहे
सविस्तर वाचा - ट्रीपल एक्स सीरिज वाद; भाजप नेत्याने एकताविरोधात केली तक्रार दाखल
- दुबई - इंडियन प्रीमियर लीगच्या (आयपीएल) 13 व्या हंगामाच्या आयोजनासाठी बीसीसीआयचे मत 3-2 असे विभागले गेले. या मतांमध्ये बहुतेकांना ही लीग भारतातच खेळवण्यात यावी असे वाटत असून गरज भासल्यास ही लीग भारताबाहेर आयोजित करावी असेही काहींनी मत दिले. त्यानंतर, युएई क्रिकेट बोर्डाने बीसीसीआयसमोर आयपीएलचे आयोजन करण्याचा प्रस्ताव दिला आहे.
सविस्तर वाचा - आयपीएल-२०२० भारताबाहेर..? युएई क्रिकेट बोर्ड आयोजन करण्यास तयार
