- मुंबई - गणेशोत्सवानंतर राज्यात वाढलेला कोरोनाचा प्रादुर्भाव काही केल्या थांबायला तयार नाही. राज्यात आज २१ हजार ६५६ नवीन कोरोना रुग्णांची नोंद झाली आहे
सविस्तर वाचा - राज्यात दिवसभरात २१ हजार ६५६ नव्या कोरोना रुग्णांची नोंद; ४०५ मृत्यू
- नवी मुंबई - तळोजा येथे राहणारा तरुण बेपत्ता असल्याचा बनाव करत पत्नीला सोडून प्रेयसीसोबत पळाल्याचा धक्कादायक प्रकार उघडकीस आला आहे. आपल्याला कोरोना झाला असून, आपण जगणार नाही असेही त्याने पत्नीला खोटे सांगितल्याचे सत्य समोर आले आहे. मनीष मिश्रा (वय 28) असे या पतीचे नाव असून, तो आपल्या पत्नीला सोडून प्रेयसीसोबत मध्य प्रदेशातील इंदूर येथे पळून गेला होता.
सविस्तर वाचा - कोरोना झाल्याचे पत्नीला खोटे सांगून तरुण प्रेयसीला घेऊन इंदूरला पळाला; नवी मुंबईतील घटना
- नवी दिल्ली - प्रदीर्घ संघर्षाची सुरुवात आता झाली असून, आमचा पक्ष कायमच शेतकऱ्यांसोबत असल्याची प्रतिक्रिया हरसिमरत कौर बादल यांनी 'ई टीव्ही भारत'शी बोलताना दिली. मोदी सरकारने संसदेत मांडलेल्या तीन शेतीविषयक विधेयकांच्या निषेध व्यक्त करत हरसिमरत कौर बादल यांनी आपल्या केंद्रीय मंत्रीपदाचा राजीनामा दिला आहे. याआधी त्यांचे पती शिरोमणी अकाली दलाचे अध्यक्ष सुखबीर सिंह बादल यांनी लोकसभेत गुरुवारी त्यांच्या राजीनाम्याबाबत घोषणा केली.
सविस्तर वाचा - Interview : आमचा पक्ष शेतकऱ्यांसोबत - हरसिमरत कौर बादल
- मुंबई- मध्य रेल्वे, मुंबई विभाग रविवारी विविध अभियांत्रिकी व देखभालीच्या कामांसाठी उपनगरी मार्गावर मेगा ब्लॉक करणार आहे. पश्चिम रेल्वेकडून शनिवारी रात्री ९ पासून रविवारी दुपारी १ वाजेपर्यंत जम्बो ब्लॉक घेण्यात येणार आहे. मध्य रेल्वे अंतर्गत छत्रपती शिवाजी महाराज टर्मिनस आणि विद्याविहार दरम्यान अप व डाउन धिम्या मार्गावर सकाळी १०.०० ते दुपारी ३.०० पर्यंत मेगाब्लॉक असेल.
सविस्तर वाचा - रविवारी मध्य रेल्वेचा मेगा ब्लॉक तर पश्चिम रेल्वेचा जम्बो ब्लॉक
- मुंबई- भारतरत्न डॉ. बाबासाहेब आंबेडकर यांचे राष्ट्रीय स्मारक मुंबईतील दादर येथील इंदू मिलच्या जागेवर उभारण्यात येत आहे. या जागेवर आज बाबासाहेबांच्या पुतळ्याची पायाभरणी मुख्यमंत्री उद्धव ठाकरे यांच्या हस्ते हा सोहळा पार पडणार होता. मात्र, आज अचानकपणे तो रद्द करण्यात आला. या कार्यक्रमाबद्दल अनेकांना आक्षेप होता सर्वांनी नाराजी व्यक्त केल्यानंतर हा कार्यक्रम अखेर रद्द झाला. विरोधी पक्षनेते देवेंद्र फडणवीस यांनी बाबासाहेब आंबेडकरांच्या स्मारकातील पुतळ्याची पायाभरणी लपून-छपून आणि घाईघाईने करण्याचे कारण काय?, असा सवाल उपस्थित केला आहे.
सविस्तर वाचा - बाबासाहेबांच्या स्मारकातील पायाभरणीचा कार्यक्रम लपून छपून करण्याचे कारण काय?- देवेंद्र फडणवीस
- सातारा - मराठा समाजातील बहुतांश लोकांना खायला अन्न नाही. मुलांची लग्न ठरत नाहीत. किती दिवस नुसती चर्चा, चर्चा अन् चर्चाच करायची. या समाजाबाबत न्याय होत नसेल तर, पदावर राहून तरी काय उपयोग? माझी कोणत्या पक्षाशी बांधिलकी नाही तर, लोकांना मी बांधिल आहे. त्यासाठी राजीनामा द्यायची वेळ आली तर, आता तो देईन, असा उद्वेग खासदार उदयनराजे भोसले यांनी आज व्यक्त केला.
सविस्तर वाचा - ...तर मराठा आरक्षणप्रश्नी राजीनामा देणार; उदयनराजे कडाडले
- पुणे - महाराष्ट्राची जीवनवाहिनी असलेली एसटी आजपासून पूर्ण प्रवासी क्षमतेने धावत आहे. निम्म्या प्रवासी क्षमतेने धावणारी एसटी १०० टक्के क्षमतेने सुरू करण्याची परवानगी राज्य सरकारने एसटी महामंडळाला दिली. त्यामुळे एसटीचे आर्थिक नुकसान काही प्रमाणात तरी टळणार असून, प्रवाशांनाही दिलासा मिळाला आहे.
सविस्तर वाचा - आजपासून एसटी १०० टक्के क्षमतेने सुरू... प्रवासीही योग्य खबरदारी घेऊन करतायत प्रवास
- कोल्हापूर - कोल्हापुरातील कोरोनाबाधित रुग्णांची संख्या दिवसेंदिवस झपाट्याने वाढत चालली आहे. रोजच 500 ते 1 हजार नवे रुग्ण आढळत आहेत. आता ग्रामविकास मंत्री हसन मुश्रीफ यांचासुद्धा कोरोना अहवाल पॉझिटिव्ह आला आहे. स्वतः मंत्री मुश्रीफ यांनी ट्विटरवरून ही माहिती दिली आहे. शिवाय आपल्या संपर्कात आलेल्या प्रत्येकाने स्वतःची काळजी घेऊन चाचणी करण्याचे आवाहन त्यांनी केले आहे.
सविस्तर वाचा - ग्रामविकास मंत्री हसन मुश्रीफ यांना कोरोनाची लागण
- मुंबई - 2019मध्ये लागू झालेल्या महात्मा फुले कर्जमाफी योजनेचा किती शेतकऱ्यांना फायदा झाला, याची माहिती देण्याचे बॉम्बे हायकोर्टाने महाराष्ट्र सरकारला निर्देश दिले आहेत. ही योजना संपूर्णपणे का लागू केली गेली नाही? याबद्दलही कोर्टाने स्पष्टीकरण मागितले आहे. भाजपा नेते व आमदार आशिष शेलार यांनी याबाबत एक जनहित याचिका दाखल केली होती.
सविस्तर वाचा - कर्जमाफीचा किती शेतकऱ्यांना फायदा? बॉम्बे हायकोर्टाचा सरकारला प्रश्न
- नवी दिल्ली - जगातील सर्वात रोमांचक आणि प्रसिद्ध लीग असलेल्या आयपीएलला उद्यापासून प्रारंभ होत आहे. या लीगचा सलामीचा सामना गतविजेता मुंबई इंडियन्स आणि तीन वेळा आयपीएल चॅम्पियन ठरलेल्या चेन्नई सुपर किंग्ज (सीएसके) यांच्यात होईल. कोरोनाच्या उद्रेकामुळे यंदाची आयपीएल स्पर्धा भारतात न खेळवता संयुक्त अरब अमिरातीत (यूएई) होत आहे. आयपीएलच्या प्रत्येक हंगामात नव-नवे विक्रम मोडले आणि बनवले जातात. यंदाचे आयपीएलचे तेरावे पर्वही नव्या आणि होऊ घातलेल्या विक्रमांसाठी सज्ज झाले आहे.
सविस्तर वाचा- यंदाच्या आयपीएलमध्ये मोडले जाऊ शकतात 'हे' ५ विक्रम
