नवी दिल्ली - पाकचे परराष्ट्रमंत्री शाह महमूद कुरैशी सध्या चीनच्या दौऱ्यावर आहेत. एका हॉटेलमधील कर्मचाऱ्यांची भेट घेतानाचा त्यांचा व्हिडिओ व्हायरल झाला आहे. त्या व्हिडिओवरून पाकिस्तानी नागरिकांनीच त्यांना ट्रोल केले आहे.
महमूद कुरैशी एका हॉटेलमधील स्वयंपाकी आणि कर्मचाऱ्यांसोबत हस्तांदोलन करत असल्याचं व्हिडिओमध्ये पाहायला मिळत आहे. रेषेत उभे असलेले कर्मचारी टाळ्या वाजवत असून कुरैशी कर्मचाऱयांशी हात मिळवत पुढे जात आहेत. या भेटीवरून नेटेकऱ्यानी त्यांना ट्रोल केलयं. 'पाकिस्तानच्या कुटनिताचा विजय. चीनमध्ये परराष्ट्रमंत्री शाह महमूद कुरैशी यांची स्वयंपाकी आणि कर्मचाऱ्यासोबत उच्चस्तरीय बैठक', असे पाकिस्तानी नागरिक नायला इनायतने म्हटले आहे.
'कदाचीत ही बैठक नुडल्सचे राजकीय समीकरण बदलू शकते.दौरा संपल्यानंतर सोबत टीफीन द्यावा याची विनंती करत असतील. माहित नाही पुन्हा असे जेवण कधी मिळेल', असे प्रभात यादव या युजरने म्हटले.
जम्मू-काश्मीरमधून कलम ३७० हटवल्याच्या भारताच्या निर्णयावर चीनसोबत चर्चा करण्यासाठी महमूद कुरेशी चीनला गेले आहेत. चीन केवळ पाकिस्तानचा मित्र नाही तर आशियातील महत्वाचा देश आहे. भारताने मानवधिकारीचे उल्लघंन केल्याची माहिती चीनला देऊ, असे कुरैशी म्हणाले होते.
