लखनौ - बॉलीवूड गायिका कनिका कपूरला कोरोनाची लागण झाल्यानंतर लखनौतील पीजीआय रुग्णालयात दाखल करण्यात आले होते. कनिकाचा कोरोना अहवाल पॉझिटिव्ह आल्यानंतर तिच्या संपर्कात आलेल्या लोकांची एक यादी बनवली गेली. यात अनेक मान्यवर व्यक्तिंचा समावेश आहे. यातील बहुतेक लोकांचे अहवाल नंतर निगेटिव्ह आल्याने सर्वांनी सुटकेचा नि:श्वास टाकला.
दरम्यान, कनिका कपूर आणि तिच्या चाहत्यांसाठी एक आनंदाची बातमी आली आहे. कनिकाचा पाचवा कोरोना अहवाल निगेटिव्ह आला आहे. यापूर्वी कनिकाचे चारही अहवाल पॉझिटिव्ह आले होते. यामुळे कनिकाविषयी चिंता निर्माण झाली होती.
कोरोना व्हायरसच्या प्रोटोकॉलनुसार कनिकाची आणखी एक चाचणी केली जाणार आहे. जर या चाचणीचा अहवाल निगेटिव्ह आला तर कनिकाला डिस्चार्ज दिला जाऊ शकतो. ही चाचणी पुढील आठवड्यात होऊ शकते.
