रांची - ओडिशामध्ये अडकलेल्या विस्थापित कामगारांची मदत करा, अशी विनंती झारखंडचे मुख्यमंत्री हेमंत सोरेन यांनी ओडिशाचे मुख्यमंत्री नवीन पटनाईक यांना केली आहे. देशात लागू असलेल्या लॉकडाऊनमुळे देशातील कित्येक कामगार परराज्यांमध्ये अडकले आहेत.
सोरेन यांनी पटनाईक करत असलेल्या कामाचे कौतुकही केले आहे. ओडिशामध्ये अडकलेल्या झारखंडच्या अनेक कामगारांसाठी पटनाईक यांनी मदतीची व्यवस्था केली आहे असे सोरेन म्हटले. मात्र, ओडिशाच्या झार्सुगुडामध्ये झारखंडचे आणखी २५ कामगार अडकले आहेत. त्यांच्याकडे खाद्यपदार्थही शिल्लक नाहीत, त्यामुळे पटनाईक यांनी तातडीने त्यांच्या मदतीसाठी पावले उचलावीत अशी विनंती सोरेन यांनी केली.
झारखंडमध्ये आतापर्यंत कोरोनाचे १७ रुग्ण आढळून आले असून, एकाचा बळी गेला आहे. तर ओडिशामध्ये आतापर्यंत कोरोनाचे ५० रुग्ण आढळून आले असून, एकाचा बळी गेला आहे. ओडिशामधील दोन रुग्णांवर उपचार यशस्वी झाले आहेत.
हेही वाचा : खासगी प्रयोगशाळांत मोफत चाचणीला विरोध, सर्वोच्च न्यायलयात याचिका दाखल
