मुंबई - मुंबई पूर्व उपनगरात गॅस गळतीच्या दुर्गंधीमुळे मुंबईकरांमध्ये भीतीचे वातावरण पसरले आहे. तर बाबरी मशीद प्रकरणात सीबीआयच्या विशेष न्यायालयात शनिवारी प्रकाश शर्मा यांची साक्ष झाली. तसेच अलाहाबाद उच्च न्यायालयाने उत्तर प्रदेशातील 69 हजार प्राथमिक शिक्षक भरतीला स्थगिती दिल्यानंतर काँग्रेस नेत्या प्रियंका गांधींनी सरकारला फटकारले आहे. आगामी राज्यसभा निवडणुकांपूर्वीच गुजरातमधील काँग्रेसच्या तीन आमदारांनी राजीनामे दिले आहेत. यानंतर काँग्रेस पक्षाने खबरदारी म्हणून शनिवारी त्यांच्या अनेक आमदारांना संबंधित विधानसभा मतदारसंघांच्या नजिकच्या रिसॉर्ट आणि बंगल्यांमध्ये हलविले आहे. यासह देशभरातील टॉप-१० घडामोडी वाचा...
- मुंबई - मुंबईकर कोरोना विषाणू, निसर्ग चक्रीवादळ यामुळे भयभीत झाला होता. त्यात आता पूर्व उपनगरात गॅस गळतीच्या दुर्गंधीमुळे मुंबईकरांमध्ये पुन्हा भीतीचे वातावरण पसरले आहे. दरम्यान मुंबई अग्निशमन दल, मुंबई पोलीस, गॅस कंपन्या या गॅस गळतीचा शोध घेत असून मुंबईकरांनी घाबरुन जाऊ नये, असे आवाहन मुंबई अग्निशमन दलाकडून करण्यात आले आहे.
सविस्तर वाचा - मुंबईच्या पूर्व उपनगरात गॅस गळती, नागरिकांमध्ये भीतीचे वातावरण
- अहमदाबाद - 19 जूनला होणाऱ्या आगामी राज्यसभा निवडणुकांपूर्वीच गुजरातमधील काँग्रेसच्या तीन आमदारांनी राजीनामे दिले. यानंतर काँग्रेस पक्ष सावध झाला असून त्यांनी शनिवारी त्यांच्या अनेक आमदारांना संबंधित विधानसभा मतदारसंघांच्या नजिकच्या रिसॉर्ट आणि बंगल्यांमध्ये हलविले आहे. त्यांच्यापर्यंत कोणी पोहोचू नये, यासाठी पक्षाकडून खबरदारी घेतली जात आहे. पक्षाच्या एका नेत्याने ही माहिती दिली.
सविस्तर वाचा - गुजरात राज्यसभा : तिघांच्या राजीनाम्यानंतर काँग्रेसने उर्वरित आमदारांना रिसॉर्टमध्ये पाठवले
- नवी दिल्ली - अलाहाबाद उच्च न्यायालयाने उत्तरप्रदेशातील 69 हजार प्राथमिक शिक्षक भरतीला स्थगिती दिल्यानंतर काँग्रेस नेत्या प्रियंका गांधीनी सरकारला फटकारले आहे. संपुर्ण भरती प्रक्रियेत सरकारचा निष्काळजीपणा समोर आला आहे, असा आरोप त्यांनी योगी सरकारवर केला.
सविस्तर वाचा - उत्तरप्रदेशातील शिक्षकांची मेगाभरती वादात, प्रियंका गांधींचा सरकारवर निशाणा
- बीड - अपघातातील गंभीर जखमी तरुण तडफडत असतानाही उपस्थित डॉक्टरांनी उपचार न केल्याचा धक्कादायक प्रकार उघड झाला आहे. ही घटना बीड जिल्हा रुग्णालयात घडली आहे. त्यानंतर या दोन्ही जखमी तरुणाचा खासगी रुग्णालयात उपचारादरम्यान मृत्यू झाल्याने नागरिकांमधून संताप व्यक्त करण्यात येत आहे. गणेश देशमुख आणि सचिन भोसले असे मृतांची नावे असून हे दोघेही माजलगाव तालुक्यातील पुरुषोत्तमपुरी येथील रहिवासी आहेत.
सविस्तर वाचा - येथे माणुसकी ओशाळली; डॉक्टरांचा उपचारास नकार, जखमी तरुणांचा तडफडून मृत्यू
- मुंबई - गॅस गळतीच्या तक्रारीनुसार मुंबईच्या अग्निशमन दलाने यूएस विटामिन, गोवंडी तसेच पंत नगर पोलीस ठाणे परिसरात शोध घेतला पण, त्या ठिकाणी कोणत्याही प्रकारची गॅस गळती आढळून आली नसल्याची माहिती अग्निशमन दलाने दिली आहे.
सविस्तर वाचा - गॅस गळती आढळून आली नाही, चौकशी सुरू - अग्निशमन दल
- मुंबई - आयसीसीने वर्णद्वेषाविरोधी सुरू केलेल्या मोहिमेला, भारताचा महान फलंदाज सचिन तेंडुलकरने पाठिंबा दर्शवला आहे. त्याने आयसीसीच्या ट्विटला रिशेअर करताना दक्षिण आफ्रिकेचे माजी राष्ट्रपती नेल्सन मंडेला यांचे क्रीडाक्षेत्रावरील प्रसिद्ध विधान पोस्ट केले आहे.
सविस्तर वाचा - 'आयसीसी'च्या वर्णद्वेषविरोधी मोहिमेला सचिनचा पाठिंबा, म्हणाला...
- लखनौ - बाबरी मशीद प्रकरणी सीबीआयच्या विशेष न्यायालयात शनिवारी प्रकाश शर्मा यांची साक्ष झाली. सीबीआयने त्यांना तब्बल १०२४ प्रश्न विचारले. यावेळी बाहेर आल्यानंतर प्रकाश शर्मा यांनी पत्रकारांशी संवाद साधला.
सविस्तर वाचा - बाबरी प्रकरण; सीबीआयच्या विशेष न्यायालयात प्रकाश शर्मांची साक्ष
- नवी दिल्ली - राज्यसभेच्या चार जागांसाठी 19 जूनला निवडणुका होणार आहेत. मात्र, त्याआधी कर्नाटकातील राजकीय वातावरण तापायला लागले आहे. काँग्रेसने मल्लीकार्जुन खर्गे यांचे नाव जाहीर केले आहे, तर विरोधी पक्षाने माजी पंतप्रधान एच. डी देवेगौडा यांचे राज्यसभेच्या जागेसाठी नाव पुढे केले आहे. भाजपला कमी जागा मिळाव्या म्हणून काँग्रेसचे जोरदार प्रयत्न सुरु आहेत.
सविस्तर वाचा - राज्यसभेच्या चार जागांसाठी कर्नाटकात काँग्रेस आणि भाजपमध्ये घमासान
- नवी दिल्ली - वीज वितरण कंपन्यांवरील कर्ज चालू आर्थिक वर्षाअखेरीपर्यंत सर्वाधिक म्हणजेच साडेचार लाख कोटीपर्यंत जाईल. क्रिसिलच्या एका अहवालामध्ये ही आकडेवारी समोर आली आहे.
सविस्तर वाचा - सरकारच्या आर्थिक मदतीनंतरही वीज वितरण कंपन्यांना होणार दुप्पट तोटा..
- कॅलिफोर्निया - अमेरिकेत वांशिक भेदभावाला खतपाणी घालण्यात येणारे काही गटांचे प्रयत्न फेसबुकने हाणून पाडले आहेत. श्वेतवर्णीयांच्या श्रेष्ठत्वाचा पुरस्कार करणारे 200 सोशल मीडिया अकाउंट फेसबुकने बंद केली आहेत. या अकाउंटमधून कृष्णवर्णीयांच्या आंदोलनात हत्यारांसह उपस्थित राहण्याची चिथावणी देण्यात आली होती.
सविस्तर वाचा - वांशिक भेदभावाला खतपाणी घालणारे 200 अकाउंट फेसबुककडून बंद
