मुंबई - देशभरामध्ये मागील 24 तासांमध्ये देशामध्ये 9 हजार 971 कोरोनाबाधित आढळले असून 287 जणांचा कोरोनामुळे मृत्यू झाला आहे. ‘मिशन बिगीन अगेन’अंतर्गत येत्या सोमवारपासून (8 जून) मुंबईच्या बेस्ट बसमध्ये आता सामान्य नागरिकांनाही प्रवासाची मुभा असणार आहे. राज्य शासनाने 30 माकडे (रेसस प्रजातीची) पकडण्याची परवानगी दिली आहे. या माकडांवर कोरोनावरील लसीचे प्रयोग करण्यात येणार आहेत... तर 75 दिवसांनंतर केरळमधील शबरीमला मंदिर 14 जूनला अय्यप्पा भक्तांसाठी खुले होणार आहे... जम्मू काश्मीरमध्ये दहशतवाद्यांविरोधात सुरक्षा दलाच्या जवानांची मोहीम घातली घेतली आहे. आज सकाळपासून (रविवार) दक्षिण काश्मीरमधील शोपिया जिल्ह्याच्या रेबेन परिसरात दहशतवादी आणि सुरक्षा दलाचे जवान यांच्यात चकमक सुरू आहे. यासह महत्वाच्या टॉप-१० बातम्या...
- नवी दिल्ली - देशभरामध्ये कोरोनाबाधितांची संख्या वाढत चालली असून परिस्थिती आणखी गंभीर झाली आहे. गेल्या 24 तासांमध्ये देशामध्ये 9 हजार 971 कोरोनाबाधित आढळले असून 287 जणांचा कोरोनामुळे मृत्यू झाला आहे. देशातील एकूण कोरोनाबाधितांचा आकडा 2 लाखांच्यापेक्षा अधिक झाला आहे. तर महाराष्ट्र, तामिळनाडू आणि दिल्लीमध्ये सर्वांत जास्त कोरोनाबाधित आढळले आहेत.
सविस्तर वाचा - देशातील कोरोनाबाधितांचा आकडा 2 लाख 46 हजार 628 वर
- श्रीनगर - जम्मू काश्मीरमध्ये दहशतवाद्यांविरोधात सुरक्षा दलाच्या जवानांची मोहीम घातली घेतली आहे. आज सकाळपासून (रविवार) दक्षिण काश्मीरमधील शोपिया जिल्ह्याच्या रेबेन परिसरात दहशतवादी आणि सुरक्षा दलाचे जवान यांच्यात चकमक सुरू आहे. यात जवानांनी एका दहशतवाद्याचा खात्मा केल्याची माहिती मिळत आहे.
सविस्तर वाचा - J-K: शोपिया जिल्ह्यात सुरक्षा दल-दहशतवाद्यांमध्ये चकमक, एका दहशतवाद्याला कंठस्नान?
- मुंबई - ‘मिशन बिगीन अगेन’अंतर्गत येत्या सोमवारपासून (8 जून) मुंबईच्या बेस्ट बसमध्ये आता सामान्य नागरिकांनाही प्रवासाची मुभा असणार आहे. बेस्ट प्रशासनाने घेतलेल्या या निर्णयामुळे मुंबईकरांना मोठा दिलासा मिळाला आहे. राज्य शासनाने व मुंबई महापालिकेने जारी केलेल्या आदेशानुसार हा निर्णय घेण्यात आला आहे.
सविस्तर वाचा - मुंबईकरांना दिलासा.. सोमवारपासून बेस्टच्या बसमधून सामान्य लोकांना करता येणार प्रवास
- मुंबई/यवतमाळ - राज्य शासनाने 30 माकडे (रेसस प्रजातीची) पकडण्याची परवानगी दिली आहे. या माकडांवर कोरोनावरील लसीचे प्रयोग करण्यात येणार आहेत, अशी माहिती पुण्यातील राष्ट्रीय विषाणू विज्ञान संस्थेने (एनआयव्ही) शनिवारी (दि.6जून) दिली.
सविस्तर वाचा - कोरोनावरील लसीचा माकडांवर होणार प्रयोग.. राज्य शासनाने दिली परवानगी
- नोएडा (दिल्ली) - गाझियाबादच्या खोडा गावातील गर्भवती महिलेला नोएडामध्ये वैद्यकीय उपचार न मिळाल्याने तिचा मृत्यू झाल्याची बाब समोर आली आहे. या प्रकरणी चौकशी करण्याचे आदेश जिल्हा प्रशासनाने शनिवारी दिले. महिलेला रुग्णवाहिकेतून नोएडा येथे आणण्यात आल्याचे सांगितले. मात्र, येथील सरकारी किंवा खासगी कोणत्याही रुग्णालयाने तिला दाखल करून घेतले नाही. त्यामुळे उपचार न मिळाल्याने तिचा मृत्यू झाला, असा आरोप महिलेच्या नातेवाईकांनी केला आहे.
सविस्तर वाचा - धक्कादायक! उपचारासाठी दाखल करून घेण्यास रुग्णालयांचा नकार.. नोएडात गरोदर महिलेचा मृत्यू
- तिरुअनंतपुरम - तब्बल 75 दिवसांनंतर केरळमधील शबरीमला मंदिर 14 जूनला अय्यप्पा भक्तांसाठी खुले होणार आहे. येथे केवळ रांगेद्वारे दर्शन घेण्यास परवानगी दिली जाईल. तसेच, सध्याच्या कोविड मार्गदर्शक तत्त्वांचे पालन केले जाईल. हे मंदिर ‘मिधुनमासा पूजा’ (मल्याळम दिनदर्शिकेत मिधुनम महिन्यातील मासिक पूजा) आणि मंदिर उत्सवासाठी उघडले जाणार आहे.
सविस्तर वाचा - शबरीमला मंदिर 14 जूनला उघडणार, दर्शनासाठी कोविड मार्गदर्शक तत्त्वांचे पालन आवश्यक
- भुवनेश्वर (ओडिशा) - चेन्नईहून ओडिशातल्या गंजम जिल्ह्यात परतलेल्या मजुराला दोन दिवस जंगलात वास्तव्यास रहावे लागल्याचा प्रकार घडला आहे. गावातील सरपंच आणि इतर गावकऱ्यांनी त्याला गावात घेण्यास आणि क्वारंटाईन करून घेण्यास स्पष्ट नकार दिल्यानंतर बारिक नायक या व्यक्तीवर अन्न पाण्याशिवाय जंगलात राहण्याची वेळ आली.
सविस्तर वाचा - गावातील लोकांनी विरोध दर्शवल्यामुळे 'तो' दोन दिवस जंगलातच राहिला
- बिजापूर (छत्तीसगड) - येथील एका नक्षलवादी जोडप्याने शनिवारी सीआरपीएफ पोलिसांसमोर आत्मसमर्पण केले आहे. गोपी आणि त्यांची पत्नी भारती अशी त्यांची नावे आहेत. त्यांच्यावर पोलिसांनी अनुक्रमे 5 लाख आणि 2 लाख रुपये असे इनाम जाहीर केेले होते. मात्र, त्यांनी शनिवारी सीआरपीएफच्या पोलीस उप महानिरीक्षक कोमल सिंह आणि अधीक्षक कमलोचन कश्यप यांच्यासमोर आत्मसमर्पण केले. दोघा पती पत्नीने शरणागती पत्करल्यावर पोलिसांनी त्यांनी प्रोत्साहनपर प्रत्येकी 10 हजार रुपये दिले.
सविस्तर वाचा - छत्तीसगडमध्ये नक्षलवादी जोडप्याचे पोलिसांसमोर आत्मसमर्पण
- मुंबई - गॅस गळतीच्या तक्रारीनुसार मुंबईच्या अग्निशमन दलाने यूएस विटामिन, गोवंडी तसेच पंत नगर पोलीस ठाणे परिसरात शोध घेतला पण, त्या ठिकाणी कोणत्याही प्रकारची गॅस गळती आढळून आली नसल्याची माहिती अग्निशमन दलाने दिली आहे. यामुळे यंदाही गॅस गळतीचा उगम शोधण्यात अग्निशमन दलाला अपयश आले आहे.
सविस्तर वाचा - मुंबईत गॅस गळती, गळतीचा उगम शोधण्यात यावेळीही अपयश
- औरंगाबाद - केरळ येथील गर्भवती हत्तीच्या घटनेनंतर कुत्र्याला दोरीने बांधून दुचाकीने फरफटत नेल्याचा धक्कादायक प्रकार औरंगाबादेत समोर आला आहे. याबाबतचा एक व्हिडिओ सोशल मीडियावर व्हायरल झाला असून त्यानुसार दोघांंवर गुन्हा दाखल करण्यात आला आहे.
सविस्तर वाचा - VIDEO : औरंगाबादेत भूतदयेला तिलांजली, दुचाकीला कुत्रा बांधून नेले फरफटत
