मुंबई - मागील २४ तासांमध्ये देशात कोरोनाबाधित रुग्णांच्या संख्येत तब्बल 9 हजार 996 इतकी भर पडली आहे. तसेच गेल्या 24 तासात 357 जणांचा मृत्यू झाला आहे....सलग पाचव्या दिवशी पेट्रोल डिझेलच्या किमतीमध्ये वाढ झाली आहे... मुख्यमंत्री उद्धव ठाकरे आणि राष्ट्रवादीचे अध्यक्ष तथा खासदार शरद पवार यांच्या कोकण दौऱ्यानंतर विरोधी पक्षनेते देवेंद्र फडणवीस हे ही रायगड दौऱ्यावर पोहोचले आहेत. त्यांनी अलिबाग तालुक्यातील नागाव, बागमळा, चौल या नुकसानग्रस्त भागाची पाहणी केली, यासह महत्वाच्या टॉप-१० बातम्या...
- नवी दिल्ली - देशात कोरोनाबाधित रुग्णांच्या संख्येत झपाट्याने वाढ होत आहे. गेल्या 24 तासात 357 जणांचा मृत्यू झाला आहे. तर तब्बल 9 हजार 996 नवे कोरोनाबाधित रुग्ण आढळले आहेत. त्यामुळे देशात सध्या 2 लाख 86 हजार 579 कोरोनाबाधित रुग्ण आहेत. तर आतापर्यंत 1 लाख 41 हजार 29 जण कोरोनामुक्त झाले आहेत. सध्या देशात 1 लाख 37 हजार 488 रुग्णांवर उपचार सुरू आहेत. तर 8 हजार 102 जणांचा मृत्यू झाला आहे.
सविस्तर वाचा - देशात कोरोनाबाधितांची रेकॉर्डब्रेक वाढ, 24 तासात 9 हजार 996 नवे रुग्ण
- नवी दिल्ली - सलग पाचव्या दिवशी पेट्रोल डिझेलच्या किमतीमध्ये वाढ झाली आहे. गुरुवारी पेट्रोल-डिझेलच्या दरात प्रतिलिटर 60 पैशांची वाढ झाली आहे. तब्बल ८३ दिवसांनंतर रविवारी प्रमुख शहरांमध्ये पेट्रोल आणि डिझेलच्या किमतीत वाढ करण्यात आली होती.
सविस्तर वाचा - इंधन दरवाढ सुरुच; सलग पाचव्या दिवशी पेट्रोल-डिझेलच्या दरात 60 पैशांची वाढ
- रायगड - मुख्यमंत्री उद्धव ठाकरे आणि राष्ट्रवादीचे अध्यक्ष तथा खासदार शरद पवार यांच्या कोकण दौऱ्यानंतर विरोधी पक्षनेते देवेंद्र फडणवीस हे ही रायगड दौऱ्यावर पोहोचले आहेत. त्यांनी अलिबाग तालुक्यातील नागाव, बागमळा, चौल या नुकसानग्रस्त भागाची पाहणी केली. यानंतर त्यांनी निरुपणाकर आप्पासाहेब धर्माधिकारी यांची भेट घेतली.
सविस्तर वाचा - देवेंद्र फडणवीस कोकण पट्ट्यात; 'निसर्ग'मुळे झालेल्या नुकसानग्रस्त भागाची केली पाहणी
- गोंदिया - जिल्ह्यात वाळू तस्करांची मुजोरी वाढताना दिसत आहे. अवैध वाळू उपसा करणाऱ्यांवर कारवाईसाठी गेलेल्या तलाठी व तहसीलदारांच्या वाहनावर दगडफेक झाल्याची घटना गुरुवार (दि. 11 जून) तेढवा येथील घाटावर घडली आहे.
सविस्तर वाचा - गोंदियात : तलाठी-तहसीलदारांच्या वाहनावर वाळू तस्करांची दगडफेक
- पुणे - लष्करी गुप्तचर यंत्रणा आणि पुणे पोलिसांच्या पथकाने पुण्यातील विमानतळ परिसरात बनावट नोटांचा साठा करणाऱ्या टोळीला जेरबंद केले. यावेळी पोलिसांनी एका लष्करी जवानासह सहा जणांना ताब्यात घेतले. या कारवाईत 44 कोटी बनावट भारतीय चलन आणि 4 कोटी 20 लाख रुपये विदेशी बनावटीचे चलन जप्त करण्यात आले. पोलिसांनी या प्रकरणी शेख अलीम गुलाब खान, सुनील भद्रीनाथ सारडा, रितेश रत्नाकर, तोफिल अहमद मोहमद इसाक खान, अब्दुल गणी रेहमतुल्ला खान, अब्दुल रहमान अब्दुल गणी खान यांना ताब्यात घेतले आहे. विमानतळ पोलीस ठाण्यात गुन्हा दाखल करण्याची प्रक्रिया सुरू आहे.
सविस्तर वाचा - पुणे विमानतळ परिसरातून बनावट चलन जप्त, नोटांची किंमत 44 कोटी
- पश्चिमी चंपारण - चीनचे राष्ट्रपती आणि जागतिक आरोग्य संघटनेचे संचालक यांनी संपूर्ण जगाविरोधात कट रचत, जगात कोरोना विषाणूचा फैलाव केला आहे, असा आरोप करत बिहारच्या एका वकिलाने त्यांच्याविरोधात एक याचिका दाखल केली आहे. ही याचिका बेतिया न्यायालयाच्या मुराद अली नावाच्या वकिलांनी दाखल केली. महत्वाची बाब म्हणजे, त्यांच्या या याचिकेचा स्वीकार सीजेएम न्यायालयाने केला आहे.
सविस्तर वाचा - कोरोना पसरवला : चीनच्या राष्ट्रपतींसह WHO च्या संचालकाविरोधात याचिका दाखल; मोदी, ट्रम्प साक्षीदार
- नवी दिल्ली - ‘लोकसभा अध्यक्ष ओम बिर्ला यांनी संसदीय समितीच्या बैठका नियमांमध्ये औपचारिकरीत्या बदल केल्याशिवाय व्हिडिओ कॉन्फरन्सिंगद्वारे होऊ शकत नाहीत’, असे आपल्याला कळवल्याचे काँग्रेसचे वरिष्ठ नेते शशी थरूर यांनी बुधवारी म्हटले आहे. ‘असे केल्यास सरकारच्या कृतींचे योग्य प्रकारे निरीक्षण करण्याची शक्यता धूसर बनेल,’ असे अध्यक्षांनी म्हटल्याचे थरूर यांनी ट्विट करून सांगितले आहे.
सविस्तर वाचा - संसदीय समितीच्या बैठका व्हिडिओ कॉन्फरन्सिंगद्वारे आवश्यक; अन्यथा सरकारच्या कृतींचे निरीक्षण अशक्य - थरूर
- जबलपूर - मध्यप्रदेश पोलिसांच्या ताब्यातील आरोपीने आत्महत्या केल्याप्रकरणी 5 पोलिसांना निलंबित करण्यात आले आहे. दोन सहाय्यक पोलीस निरीक्षक आणि तीन कर्मचाऱ्याचा यात समावेश आहे. जबलपूरचे पोलीस महानिरीक्षक भगवंत सिंह चौहान यांनी याबाबतची माहिती दिली.
सविस्तर वाचा - मध्यप्रदेशात पोलिसांच्या ताब्यातील आरोपीची स्वतःवर गोळ्या झाडत आत्महत्या; 5 पोलीस निलंबित
- दुबई - कोरोना विषाणूने निर्माण झालेल्या परिस्थितीमुळे ऑस्ट्रेलियात होणारा आगामी टी-२० विश्वकरंडक रद्द करायचा का? याबाबत आयसीसीची महत्वपूर्ण बैठक पार पडली. या बैठकीमध्ये पुढील महिन्यापर्यंत, कोरोनाची स्थिती पाहून विश्वकरंडकाच्या आयोजनाबाबतचा विचार केला जाईल, असा निर्णय घेण्यात आला आहे.
सविस्तर वाचा - आयसीसीची झाली बैठक; टी-२० विश्वकरंडकाबाबत घेतला 'हा' निर्णय, IPL ला मोठा धक्का
- लंडन - स्वित्झर्लंडचा दिग्गज टेनिसपटू, २० ग्रॅण्डस्लॅमचा मानकरी रॉजर फेडरर याच्या गुडघ्याच्या जखमेवर शस्त्रक्रिया झाली आहे. तो २०२० या वर्षामधील एकही स्पर्धा खेळू शकणार नाही. तो पुढच्या वर्षी म्हणजे २०२१ मध्ये कोर्टवर पुन्हा उतरण्याची शक्यता आहे.
सविस्तर वाचा - टेनिस चाहत्यांना मोठा धक्का, गुडघ्याच्या जखमेमुळे फेडरर वर्षभरासाठी बाहेर
